Os Premios de sostibilidade empresarial de Galicia nacen co obxectivo de poñer en valor o compromiso das organizacións galegas adheridas ao Sistema Comunitario de Xestión e Auditoría Medioambientais (EMAS).
A través das categorías de premios que se establecen, pretende poñerse en valor o compromiso daquelas organizacións que, no ámbito da nosa Comunidade Autónoma, incorporan criterios voluntarios de mellora continua, transparencia, medición obxectiva, prevención de impactos e rendición de contas na súa xestión ambiental.
Os premios estrutúranse en tres categorías principais, en función do tamaño da organización: pequena organización, mediana organización e grande organización.
Ademais, o xurado poderá outorgar dous recoñecementos adicionais:
- Premio EMAS Galicia +20, destinado a recoñecer a traxectoria medioambiental de organizacións rexistradas en EMAS durante 20 ou máis anos.
- Premio EMAS Galicia +Sostible, orientado a distinguir a mellor iniciativa de sostibilidade.
Bases reguladoras e convocatoria 2026: ver DOG
Excel de autoavaliación para as entidades: ver documento
