Orde CNU/320/2019, do 13 de marzo, pola que se aproban as bases reguladoras para a concesión de axudas públicas no marco do Programa Estatal de Xeración de Coñecemento e Fortalecemento Científico e Tecnolóxico do Sistema de I+D+i e no marco do Programa Estatal de I+D +i Orientada aos Retos da Sociedade, do Plan Estatal de Investigación Científica e Técnica e de Innovación 2017-2020, destinadas a organismos de investigación e de difusión de coñecementos.

A xeración de coñecemento científico mediante unha investigación de calidade orientada á procura de solucións aos problemas sociais, económicos e tecnolóxicos presentados nos oito retos da sociedade identificados na Estratexia Española de Ciencia e Tecnoloxía e de Innovación e no Plan Estatal de I+D+i:
-Saúde, cambio demográfico e benestar.
-Bioeconomía: Sustentabilidade dos sistemas de produción primaria e forestais, seguridade e calidade alimentaria, investigación mariña e marítima e bioproductos.
-Enerxía segura, eficiente e limpa.
-Transporte sustentable, intelixente, conectado e integrado.
-Cambio climático e utilización de recursos naturais e materias primas.
-Ciencias sociais e humanidades e ciencia con e para a sociedade.
-Economía, sociedade e cultura dixitais.
-Seguridade, protección e defensa.