Resolución do 11 de xuño de 2007, da Secretaría Xeral da Consellería de Medio Ambiente e Desenvolvemento Sostible, pola que se publica a relación de subvencións concedidas a entidades sen ánimo de lucro polo desenvolvemento de actividades relacionadas co ambiente.

O artigo 18.1º da Lei 38/2003, do 17 de novembro, xeral de subvencións, dispón que os órganos administrativos concedentes publicarán, no correspondente diario oficial, as subvencións concedidas. Pola súa vez, o artigo 78.8º do Decreto lexislativo 1/1999, do 7 de outubro, polo que se aprobou o texto refundido da Lei de réxime financeiro e orzamentario de Galicia, tamén exixe a publicación das subvencións concedidas, con expresión da convocatoria, programa e crédito orzamentario, beneficiario, contía concedida e a finalidade. Ao abeiro do disposto no artigo 8.1º e na disposición adicional segunda, a competencia para resolver e, polo tanto, para ordenar a publicación das axudas concedidas, é do secretario xeral da Consellería de Medio Ambiente e Desenvolvemento Sostible. Xa que logo, procédese a darlles publicidade ás axudas concedidas, xunto cos demais extremos exixidos na normativa vixente. 1. Convocatoria: orde da Consellería de Medio Ambiente e Desenvolvemento Sostible do 27 de decembro de 2006, publicada no DOG do 5 de xaneiro de 2007. 2. Programa: axudas a entidades sen ánimo de lucro para o desenvolvemento de actividades relacionadas co ambiente, tanto para subvencionar os seus gastos correntes, como para a promoción de actividades, así como para investimentos. 3. Partida orzamentaria: -15.01.541A 481.0, para a promoción de actividades e gastos de funcionamento. -15.01.541A 781.0, para os investimentos. 4. Contía, finalidade e beneficiarios: Ver referencia pdf "15400D011P067.PDF"