Resolución do 1 de abril de 2004, da Dirección Xeral de Industria, Enerxía e Minas, pola que se fai pública a modificación da declaración de impacto ambiental do proxecto do Parque Eólico Touriñán IV (Serra do Moncoso), nos concellos de Monfero, Irixoa e Aranga (A Coruña), promovido pola empresa Eólicos Touriñán, S.A.

Resolución do 1 de abril de 2004, da Dirección Xeral de Industria, Enerxía e Minas, pola que se fai pública a modificación da declaración de impacto ambiental do proxecto do Parque Eólico Touriñán IV (Serra do Moncoso), nos concellos de Monfero, Irixoa e Aranga (A Coruña), promovido pola empresa Eólicos Touriñán, S.A. En cumprimento do disposto no artigo 5 do Decreto 442/1990, do 13 de setembro, de avaliación do impacto ambiental para Galicia, faise pública a Resolución do 10 de novembro de 2003 da Dirección Xeral de Calidade e Avaliación Ambiental pola que se modifica a declaración de impacto ambiental do proxecto de Parque Eólico Touriñán IV (Serra do Moncoso), nos concellos de Monfero, Irixoa e Aranga (A Coruña), promovido pola empresa Eólicos Touriñán, S.A., que se transcribe como anexo a esta resolución. Santiago de Compostela, 1 de abril de 2004. Ramón Ordás Badía Director xeral de Industria, Enerxía e Minas Con data do 22 de xaneiro de 2004 recíbese na Consellería de Medio Ambiente, remitido pola Dirección Xeral de Industria, Enerxía e Minas, un escrito do promotor no que sinala un erro na transcrición das coordenadas UTM dos aeroxeradores 14, 15 e 21 no documento ampliación estudo de impacto ambiental. Parque Eólico Touriñán IV, no que se baseou a modificación con data do 10 de novembro de 2003 da declaración de impacto ambiental do parque eólico de referencia. O dito escrito vén acompañado dun novo plano que incorpora a táboa das coordenadas UTM dos aeroxeradores debidamente corrixida e no que se pode observar que a posición dos citados aeroxeradores 14, 15 e 21 non varía fisicamente respecto da reflectida no plano que se empregou como base para efectuar a citada modificación da declaración. En consecuencia, cómpre efectuar a corrección das coordenadas UTM dos aeroxeradores 14, 15 e 21 que figuran na modificación da DIA con data do 10 de novembro de 2003, substituíndoas polas seguintes: Aeroxerador         UTM X          UTM Y 14                     582.442       4.792.677 15                     582.374       4.792.440 21                     581.944       4.790.865