Real Decreto 609/2026, do 22 de xullo, polo que se regula a concesión directa de axudas á compra de vehículos eléctricos e electrificados (Programa Auto+).

Este real decreto ten por obxecto, en virtude do artigo 34 do Real Decretoley 7/2026, do 20 de marzo, polo que se aproba o Plan Integral de Resposta á Crise en Oriente Medio, o establecemento das normas reguladoras para a concesión directa de axudas, en forma de subvención, correspondentes ao «Programa Auto+», consistente en incentivar a adquisición en España de vehículos eléctricos e electrificados segundo a definición do apartado 2 do anexo I deste real decreto. Para ese efecto, a actuación subvencionable será a adquisición de vehículos eléctricos e electrificados incluídos nas categorías establecidas no anexo I. Quedan excluídos do ámbito de aplicación deste programa os vehículos que non dispoñan da etiqueta ambiental CERO da Dirección Xeral de Tráfico.