Real Decreto 1068/2025, do 25 de novembro, polo que se modifica o Real Decreto 692/2021, do 3 de agosto, polo que se regula a concesión directa de axudas para investimentos a proxectos singulares locais de enerxía limpa en municipios de reto demográfico (PROGRAMA DUS 5000), no marco do Programa de Rexeneración e Reto Demográfico do Plan de Recuperación, Transformación e Resiliencia.

Modifícase o apartado 1 do artigo 19 do Real Decreto 692/2021, do 3 de agosto, que queda redactado como segue:

1. Todas as xustificacións de gasto por parte dos beneficiarios acreditativas da realización dos investimentos subvencionables e da execución do proxecto obxecto de axuda deberán realizarse ante o órgano instrutor nun prazo máximo de dous meses contados a partir da data en que expire o prazo máximo para a súa execución establecido ao respecto polo anterior artigo, e, en todo caso, con data límite o 31 de xaneiro de 2026, data esta a partir da cal non poderá aceptarse ningunha nova documentación.