Programa DP0025, de subvencións a entidades sen ánimo de lucro, para proxectos de actividades no ámbito da axuda ao desenvolvemento no 2021

As presentes bases teñen por obxecto regular a concesión de subvencións por parte da Deputación da Coruña, en réxime de concorrencia competitiva, para financiar gastos corrente en proxectos de actividades no ámbito da axuda ao desenvolvemento (cooperación internacional, axuda humanitaria, sensibilización, educación para o desenvolvemento, comercio xusto, …) que se realicen en 2021 por parte de entidades sen ánimo de lucro que teñan a consideración de beneficiarias de conformidade co establecido nas presentes bases.
Os proxectos deberán contemplar no seu deseño e execución as prioridades transversais definidas no IV Plan Director de Cooperación Galega 2018-2021, relativas á erradicación da pobreza, a equidade de xénero, a defensa da sostenibilidade ambiental e a loita contra o cambio climático