Orde TED/1017/2021, do 20 de setembro, pola que se aproban as bases reguladoras para a concesión de subvencións da Fundación Biodiversidade, F.S.P., para o reforzo de redes de varados e rescate de especies mariñas, no marco do Plan de Recuperación, Transformación e Resiliencia, e apróbase a convocatoria correspondente ao ano 2021.

O obxecto desta orde é o establecemento das bases reguladoras da Fundación Biodiversidade FSP (en diante FB) para a concesión de axudas para o financiamento de proxectos vinculados coa xeración e reforzo de redes de varados e rescate de especies mariñas, que permitan unha atención adecuada aos animais varados vivos para a súa recuperación e/ou posterior liberación, ou mantemento, en caso de non poder ser liberados, en centros adecuados que aseguren a súa supervivencia e benestar, e realizar a toma de datos necesarios co obxecto de ampliar o coñecemento científico-técnico sobre o estado no que se atopan as poboacións das distintas especies co fin de implementar unha correcta e fundamentada xestión e protección das mesmas.
Estas axudas contribúen á consecución dos obxectivos do Plan de Recuperación, Transformación e Resiliencia (PRTR) no marco do compoñente 4, investimento 2 e obxectivos 67 e 68.