Orde do 28 de outubro de 1999 pola que se declaran provisionalmente as zonas propostas para a súa inclusión na Rede Europea Natura 2000, como espacios naturais en réxime de protección xeral.

Número do Dog: 216 Páxina do Dog: 13.127 Data da Disposición: 28 de outubro de 1999 Sección: III. OUTRAS DISPOSICIÓNS Organismo: CONSELLERÍA DE MEDIO AMBIENTE Rango: Orde Título: Orde do 28 de outubro de 1999 pola que se declaran provisionalmente as zonas propostas para a súa inclusión na Rede Europea Natura 2000, como espacios naturais en réxime de protección xeral. A protección e conservación do noso patrimonio natural é un mandado recollido no artigo 45 da Constitución e unha necesidade para asegura-la pervivencia dos nosos ecosistemas e os seus compoñentes. Con data do 11 de marzo deste ano o Consello da Xunta de Galicia acorda aprobar unha relación dos lugares como de importancia comunitaria e propoñelos para a súa inclusión na Rede Europea Natura 2000, consonte o disposto no Real decreto 1997/1995, polo que se establecen medidas para contribuír a garanti-la biodiversidade mediante a conservación dos hábitats naturais e da fauna e flora silvestes; real decreto que traspón ó ordenamento xurídico español a Directiva 92/73/CEE do Consello, relativa á conservación dos hábitats naturais e da fauna e flora silvestres, o obxectivo do cal é o de contribuír a garanti-la biodiversidade mediante a adopción de medidas para a conservación dos hábitats naturais e da flora e fauna silvestres no territorio da Unión Europea. O Real decreto 1997/1995 establece no seu artigo 3 que cada Estado membro contribuirá á constitución dunha rede ecolóxica coherente de zonas especiais de conservación, denominada Natura 2000, en función da representación que teñan no seu territorio os tipos de hábitas naturais e os hábitats de especies dos anexos I e II da Directiva 92/43, e para tal fin cada Estado membro designará lugares e zonas especiais de conservación que garantan o mantemento ou, se e o caso, o restablecemento, nun estado de conservación favorable deste tipo de hábitats. A Lei 4/1989, do 27 de marzo, de conservación dos espacios naturais e da flora e fauna silvestres crea, no seu artigo 12, diferentes tipos de espacios naturais protexidos. Así mesmo, no seu artigo 21.2º faculta as comunidades autónomas con competencia plena na materia para establecer outras figuras de protección distintas ás establecidas no mencionado artigo 12. En consecuencia e en virtude das competencias establecidas polo Real decreto 1535/1984, do 20 de xuño, regulouse mediante o Decreto 82/1989, do 11 de maio, a figura de espacio natural en réxime de protección xeral, e creouse o Rexistro Xeral de Espacios Naturais de Galicia. Neste rexistro inclúense aqueles espacios de interese natural para os que é necesario asegura-la súa conservación. O Real decreto 1997/1995, de trasposición da Directiva 92/73/CEE ó noso ordenamento xurídico, establece no seu artigo 5 que os lugares de importancia comunitaria serán declarados pola Comunidade Autónoma correspondente como zonas de especial conservación nun prazo máximo de seis anos. A Xunta de Galicia vén de envia-la súa proposta de espacios para integrar na Rede Natura 2000. Mentres a Unión Europea non se pronuncia, a Comunidade Autónoma debe garanti-la conservación dos valores que levaron á proposta destes lugares. O artigo 6 do devandito Decreto 82/1989, do 11 de maio, permite que co obxecto de asegura-la salvagarda dos valores naturais dun espacio para o que estea en tramitación a súa inclusión no rexistro e mentres non se produza a declaración definitiva, se poida aplica-lo réxime de protección propio dos rexistrados. Por todo o exposto DISPOÑO: Artigo 1º Iníciase o trámite de inclusión no Rexistro de Espacios Naturais de Galicia dos lugares sinalados no anexo desta orde. Artigo 2º Ante a necesidade de dotar estes lugares dunha protección preventiva, decláranse provisionalmente espacios naturais en réxime de protección xeral, de acordo co disposto no artigo 6 do Decreto 82/1989, do 11 de maio. Artigo 3º 1. Nestes espacios poderanse seguir levando a cabo de maneira ordenada os usos e actividades tradicionais, así como os previstos no acordo do Consello da Xunta de Galicia do 11 de marzo de 1999; para o resto requirirase informe preceptivo e vinculante da Consellería de Medio Ambiente, que será solicitado polo promotor ou titular das accións, actividades, proxectos ou obras que se pretendan emprender. 2. De preverse efectos negativos que poidan derivarse das accións que se vaian realizar, a Consellería de Medio Ambiente poderá esixir un informe de avaliación ambiental co fin de evita-la deterioración dos valores que determinaron a inclusión destes espacios naturais no rexistro xeral, sen prexuízo da aplicación do disposto no artigo 24 da Lei 4/1989, do 27 de marzo, de conservación dos espacios naturais e da flora e fauna silvestre. Disposición derradeira Esta orde entrará en vigor o día seguinte ó da súa publicación no Diario Oficial de Galicia. Santiago de Compostela, 28 de outubro de 1999. José Carlos del Álamo Jiménez Conselleiro de Medio Ambiente ANEXO RELACIÓN DE ESPACIOS INCLUÍDOS NA PROPOSTA GALEGA DE REDE NATURA 2000 NOME CONCELLOS SUPERF. (HA) ANCARES-COUREL BECERREÁ NAVIA DE SUARNA PEDRAFITA DO CEBREIRO SAMOS POBRA DO BROLLÓN, A CERVANTES NOGAIS, AS FOLGOSO DO COUREL TRIACASTELA QUIROGA O INCIO 103271,988 BAIXA LIMIA BANDE PADRENDA LOBEIRA LOBIOS CALVOS DE RANDÍN QUINTELA DE LEIRADO ENTRIMO MUÍÑOS VEREA 34267,5392 BAIXO MIÑO GUARDA, A TUI SALVATERRA DE MIÑO SALCEDA DE CASELAS TOMIÑO 1960,2842 BETANZOS-MANDEO BERGONDO MIÑO IRIXOA BETANZOS PADERNE ARANGA 899,32425 BIDUEIRAL DE MONTE DE RAMO MONTEDERRAMO 1208,8886 BRAÑAS DE XESTOSO SILLEDA FORCAREI ESTRADA, A 925,5245 CABO UDRA BUEU 245,11305 CANÓN DO SIL PARADA DO SIL NOGUEIRA DE RAMUÍN SOBER PANTÓN 5172,3733 CARBALLIDO RIBEIRA DE PIQUÍN PONTENOVA, A FONSAGRADA, A 3719,559 CARNOTA-MONTE PINDO CARNOTA 3029,59575 AS CATEDRAIS RIBADEO BARREIROS 510,9264 COMPLEXO HÚMIDO DE CORRUBEDO PORTO DO SON RIBEIRA 3016,70645 COMPLEXO ONS-O GROVE GROVE, O MEAÑO VILANOVA DE AROUSA BUEU SANXENXO CAMBADOS 4225,0141 NOME CONCELLOS SUPERF. (HA) COSTA ÁRTABRA NARÓN CEDEIRA FERROL CARIÑO VALDOVIÑO 7100,28325 COSTA DA MORTE ARTEIXO CARBALLO MALPICA DE BERGANTIÑOS CABANA DE BERGANTIÑOS LAXE FISTERRA LARACHA PONTECESO CAMARIÑAS CEE MUXÍA VIMIANZO 6502,82075 COSTA DA VELA CANGAS 368,5087 COSTA DE DEXO OLEIROS 61,4025 CRUZUL-AGÜEIRA AS NOGAIS BECERREÁ 475,16365 ENCORO DE CECEBRE ABEGONDO BETANZOS CAMBRE CARRAL 639,1541 ENSEADA DE SAN SIMÓN REDONDELA VILABOA 1916,1873 ESTACA DE BARES ORTIGUEIRA MAÑÓN 964,58615 ESTEIRO DE TAMBRE NOIA NEGREIRA OUTES BRIÓN 1511,0803 FRAGAS DO EUME CABANAS MONFERO CAPELA,A PONTES DE GARCÍA RODRÍGUEZ, AS PONTEDEUME 9387,42015 GÁNDARAS DE BUDIÑO PORRIÑO, O SALCEDA DE CASELAS TUI 958,53235 ILLAS CÍES VIGO 966,96445 ILLAS ESTELAS NIGRÁN 561,2892 MACIZO CENTRAL A POBRA DE TRIVES MANZANEDA CHANDREXA DE QUEIXA BOLO, O VILARIÑO DO CONSO VIANA DO BOLO LAZA 37473,4068 A MARRONDA BALEIRA 610,63905 MONTE E LAGOA DE LOURO CARNOTA MUROS 1190,4018 MONTE FARO CARBALLEDO CHANTADA RODEIRO 3081,4168 MONTE MAIOR VIVEIRO XOVE 979,45045 NEGUEIRA NEGUEIRA DE MUÑIZ 4531,4287 ORTIGUEIRA-MERA SOMOZAS, AS ORTIGUEIRA CARIÑO CERDIDO AS PONTES DE GARCÍA RODRÍGUEZ 3729,3565 PARGA-LADRA-TÁMOGA OUTEIRO DE REI VILALBA GUITIRIZ COSPEITO BEGONTE XERMADE RÁBADE 3836,63915 PENA MASEIRA MEZQUITA, A GUDIÑA, A 5999,79335 NOME CONCELLOS SUPERF. (HA) PENA TREVINCA CARBALLEDA DE VALDEORRAS VIANA DO BOLO VEIGA, A 19179,8088 PENA VEIDOSA PIÑOR SAN CRISTOVO DE CEA CARBALLEDO CHANTADA 2058,8501 A RAMALLOSA BAIONA 103,29965 RÍA DE FOZ-MASMA MONDOÑEDO FOZ BARREIROS LOURENZÁ 559,887 RÍO EO A FONSAGRADA RIBADEO TRABADA A PONTENOVA RIBEIRA DE PIQUÍN 706,39695 RÍO LANDRO VIVEIRO OUROL 51,91415 RÍO OURO FOZ ALFOZ 47,8227 RÍO TÁMEGA LAZA CASTRELO DO VAL VERÍN MONTERREI 1119,06715 RÍO TEA COVELO MONDARIZ-BALNEARIO MONDARIZ PONTEAREAS SALVATERRA DE MIÑO FORNELOS DE MONTES 88,0214 RÍO XUBIA CAPELA, A SAN SADURNIÑO NEDA NARÓN MOECHE 1576,0245 SERRA DO CANDÁN FORCAREI SILLEDA LALÍN BEARIZ 8777,77495 SERRA DO CANDO LAMA, A CERDEDO COTOBADE FORCAREI BEARIZ 5391,34555 SERRA DO CAREÓN TOQUES SANTISO MELIDE PALAS DE REI FRIOL 6024,7974 SERRA DO XISTRAL PONTES DE GARCÍA RODRÍGUEZ, AS MURAS ABADÍN ALFOZ OUROL XERMADE VILALBA MONDOÑEDO VALADOURO, O 20264,5206 SERRAS DE RUBIÁ RUBIÁ 1493,54815 SISTEMA FLUVIAL ULLA-DEZA CATOIRA DODRO PADRÓN ESTRADA, A BOQUEIXÓN SILLEDA RIANXO PONTECESURES TEO VEDRA VILA DE CRUCES VALGA TOURO 521,83475 SOBREIRAIS DO RÍO ARNEGO AGOLADA LALÍN VILA DE CRUCES 1537,25845 VEIGA DE PONTELIÑARES PORQUEIRA RAIRIZ DE VEIGA 129,67525 TOTAL 324930,60975