Orde do 17 de setembro de 2007 pola que se modifica e amplía o prazo establecido na Orde do 31 de xullo de 2006 que regula o réxime de axudas ás corporacións locais para a adquisición de vehículos contra incendios e salvamento en concellos de menos de 20.000 habitantes.

Orde do 17 de setembro de 2007 pola que se modifica e amplía o prazo establecido na Orde do 31 de xullo de 2006 que regula o réxime de axudas ás corporacións locais para a adquisición de vehículos contra incendios e salvamento en concellos de menos de 20.000 habitantes. A Orde de 31 de xullo de 2006, que regula o réxime de axudas ás corporacións locais para a adquisición de vehículos contra incendios e salvamento en concellos de menos de 20.000 habitantes, estableceu as bases que rexen a concesión das devanditas axudas, fixando no artigo 10.1º que para proceder ao pagamento da subvención o concello debe remitirlle á delegación provincial correspondente a documentación xustificativa da adquisición dos vehículos non máis tarde do 1-12-2007. Debido a que estes vehículos deben cumprir coas especificacións técnicas dispostas no anexo á Orde do 31 de xullo de 2006, que ademais poden ser completadas con outras que os propios concellos engadan, cada un deles fabrícase especialmente para cada concello que o licita. Por este motivo, o prazo de entrega destes vehículos pode ser superior ao considerado inicialmente. Por tanto, considérase necesario prorrogar o prazo establecido no parágrafo segundo do artigo 10.1º da devandita orde, tendo en conta que os pagamentos con cargo ao programa operativo 2000-2006 expiran a finais do ano 2008, polo que esta prórroga non supón un problema no referido á financiación comunitaria das axudas. Por todo o exposto, e no uso das facultades que me foron concedidas, DISPOÑO: Artigo 1º Establécese un novo prazo ao abeiro desta convocatoria e modifícase o último punto do parágrafo segundo do artigo 10.1º da Orde do 31 de xullo de 2006, que queda redactado como segue: «En todo caso os concellos remitirán toda a documentación xustificativa da adquisición dos vehículos non máis tarde do 15-5-2008». Artigo 2º Durante este novo prazo de remisión de documentación terán plena vixencia os requisitos e condicións establecidos nas bases aprobadas pola Orde do 31 de xullo de 2006, publicadas no Diario Oficial de Galicia nº 164, do día 25 de agosto e modificada pola Orde do 19 de decembro de 2006. e publicada no DOG nº 243, de 20 de decembro. Disposicións derradeiras Primeira.-Facúltase a directora xeral de Protección Civil para ditar, no ámbito das súas competencias, as resolucións precisas para o desenvolvemento desta orde. Segunda.-Esta orde entrará en vigor o día seguinte ao da súa publicación no Diario Oficial de Galicia. Santiago de Compostela, 17 de setembro de 2007. José Luis Méndez Romeu Conselleiro de Presidencia, Administracións Públicas e Xustiza