Corrección de erros.-Orde do 22 de xuño de 2007 pola que se establecen as bases e se convocan para o ano 2007 as axudas para o aumento do valor engadido dos produtos forestais.

Corrección de erros.-Orde do 22 de xuño de 2007 pola que se establecen as bases e se convocan para o ano 2007 as axudas para o aumento do valor engadido dos produtos forestais. Advertidos erros na Orde de 22 de xuño de 2007, publicada no DOG nº 133, do 10 de xullo, cómpre realizar a seguinte corrección: Na páxina 11.858, na disposición adicional sexta, ,onde di: «Estas axudas axustaranse ao establecido no Regulamento (CE) nº 1628/2006 da Comisión, do 24 de outubro de 2006, relativo á aplicación dos artigos 87 e 88 do Tratado ás axudas rexionais aos investimentos», debe dicir: «Estas axudas axustaranse ao establecido no Regulamento (CE) nº 1628/2006 da Comisión, do 24 de outubro de 2006, relativo á aplicación dos artigos 87 e 88 do Tratado ás axudas rexionais aos investimentos; os conceptos subvencionables sinalados no artigo 1º, punto 2 referidos a servizos de consultoría ampáranse no artigo 5 do Regulamento (CE) nº 70/2001, da Comisión, do 12 de xaneiro de 2001, relativo á aplicación dos artigos 87 e 88 do Tratado CE ás axudas estatais ás pequenas e medianas empresas».