Resolución do 31 de marzo de 2006 pola que se declara a aplicabilidade da do 27 de xaneiro de 2005, sobre medidas para a prevención de incendios forestais durante o ano 2005, modificada pola Resolución do 12 de agosto de 2005.

Resolución do 31 de marzo de 2006 pola que se declara a aplicabilidade da do 27 de xaneiro de 2005, sobre medidas para a prevención de incendios forestais durante o ano 2005, modificada pola Resolución do 12 de agosto de 2005. Co obxecto de evitar os incendios forestais afectantes aos montes galegos e de cara a eliminar ou, cando menos, paliar os danos e perdas por eles producidos aprobouse o Decreto 21/2005, do 20 de xaneiro, de prevención de incendios e regulación de aproveitamentos forestais, en uso das facultades preventivas, atribuídas á Comunidade Autónoma de Galicia pola Lei 43/2003, do 20 de xaneiro, de montes. Mediante Resolución do 27 de xaneiro de 2005, modificada por Resolución do 12 de agosto de 2005, reguláronse unha serie de medidas e prohibicións concretas co fin de previr e evitar a aparición e propagación de incendios nos montes galegos. Na actualidade estase a tramitar unha disposición que, en atención ás necesidades presentes na realidade galega, refunda e actualice a normativa existente en materia de prevención de incendios. No ínterin e co obxecto de clarexar a presente situación resulta conveniente declarar a aplicabilidade da antedita resolución, ata que entre en vigor a norma reguladora das medidas dirixidas a previr e evitar os incendios nos montes galegos. En virtude do anterior, RESOLVO: Declarar a aplicabilidade da Resolución do 27 de xaneiro de 2005, sobre medidas para a prevención de incendios forestais durante o ano 2005, modificada pola Resolución do 12 de agosto de 2005, ata a entrada en vigor da nova normativa que regule medidas preventivas en materia de incendios forestais. Santiago de Compostela, 31 de marzo de 2006. Alberte Blanco Casal Director xeral de Montes e Industrias Forestais