Resolución do 29 de novembro de 2006, da Dirección Xeral de Desenvolvemento Sostible, pola que se fai pública a inviabilidade do Plan Xeral de Ordenación Municipal do Concello da Pobra do Caramiñal de someterse ao establecido na Lei 9/2006, do 28 de abril, sobre avaliación dos efectos de determinados plans e programas no medio.

Resolución do 29 de novembro de 2006, da Dirección Xeral de Desenvolvemento Sostible, pola que se fai pública a inviabilidade do Plan Xeral de Ordenación Municipal do Concello da Pobra do Caramiñal de someterse ao establecido na Lei 9/2006, do 28 de abril, sobre avaliación dos efectos de determinados plans e programas no medio. En cumprimento do disposto na disposición transitoria primeira, no seu punto 2, da Lei 9/2006, do 28 de abril, de avaliación dos efectos de determinados plans e programas no medio, faise pública a declaración de inviabilidade da obriga de someterse ao procedemento establecido no seu artigo 7, do Plan Xeral de Ordenación Municipal do Concello da Pobra do Caramiñal aprobado provisionalmente polo Pleno Extraordinario do Concello o 29 de decembro de 2005 e corrixido mediante acordo deste mesmo órgano municipal na sesión ordinaria celebrada o 27 de xullo de 2006. Esta resolución pódese consultar na Consellería de Medio Ambiente e Desenvolvemento Sostible no seguinte enderezo da internet: http://medioambiente.xunta.es/aea/avaliacion.jsp Santiago de Compostela, 29 de novembro de 2006. Emilio Manuel Fernández Suárez Director xeral de Desenvolvemento Sostible