Resolución do 24 de xullo de 2020, do Consello de Seguridade Nuclear, pola que se establecen as bases reguladoras e se convocan bolsas de formación para a especialización en materia de seguridade nuclear e protección radiolóxica.

Considérase beneficiario da bolsa a persoa física que haxa de realizar a actividade que fundamenta a súa concesión. Poderán acollerse ás bolsas previstas na presente Resolución os titulados superiores universitarios ou que obtivesen o título de grao de acordo co Real Decreto 1393/2007, do 29 de outubro, polo que se establece a ordenación dos ensinos universitarios oficiais, nas especialidades científicas ou técnicas, tendo en conta as titulacións esixidas en cada caso nas áreas de formación que se recollen no Anexo l.