Resolución do 12 de xullo de 2005, da Dirección Xeral de Calidade e Avalización Ambiental, pola que se sinala a data para o pagamento do prezo xusto por expropiación dos bens e dereitos afectados pola ampliación do depósito de lodos vermellos en San Cibrao (Lugo) da factoría de Alúmina Española, S.A. (Alcoa).

Resolución do 12 de xullo de 2005, da Dirección Xeral de Calidade e Avalización Ambiental, pola que se sinala a data para o pagamento do prezo xusto por expropiación dos bens e dereitos afectados pola ampliación do depósito de lodos vermellos en San Cibrao (Lugo) da factoría de Alúmina Española, S.A. (Alcoa). De conformidade co disposto nos artigos 48.1º da Lei de expropiación forzosa do 16 de decembro de 1954, e 48.2º, 49, 50 e 51 do seu Regulamento do 26 de abril de 1957, esta dirección xeral acorda sinalar o día 18 de outubro de 2005, ás 11.00 horas, para que o pagador da entidade beneficiaria Alúmina Española, S.A. (Alcoa), proceda nas oficinas da Casa do Concello de Xove, sita na rúa Camiño Real, s/n de Xove, aos pagamentos do prezo xusto e xuros dos bens e dereitos afectados pola ampliación do depósito de lodos vermellos en San Cibrao (Lugo) da factoría de Alúmina Española, S.A. (Alcoa), aos interesados propostos pola devandita empresa como titulares dos predios afectados por este procedemento expropiatorio, aos que se lles dirixirá notificación individual para o efecto. Esta publicación realízase igualmente para os efectos do artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar da notificación; e así dirixir ao Ministerio Fiscal as dilixencias que se produzan destes, de conformidade co artigo 5º da devandita Lei de expropiación forzosa. Santiago de Compostela, 12 de xullo de 2005. José Manuel Álvarez-Campana Gallo Director xeral de Calidade e Avaliación Ambiental