Resolución do 12 de marzo de 2008 pola que se lle dá publicidade ao acordo do Consello de Dirección do Instituto Galego de Promoción Económica (Igape) que dá nova redacción ás bases reguladoras dos incentivos económicos e ás bases reguladoras dos procedementos de tramitación das liñas de axuda do Igape.

Quedan derrogados, pola Resolución do 22 de xullo de 2010, os seguintes programas de axudas das bases reguladoras dos incentivos económicos do Igape, feitas públicas mediante Resolución do 12 de marzo de 2008 (DOG nº 55, do 18 de marzo) e modificadas mediante Resolución do 5 de febreiro de 2009 (DOG nº 31, do 13 de febreiro), sen prexuízo da tramitación, con cargo a este orzamento, pero conforme a dita regulación dos expedientes destes programas presentados ao seu abeiro ata a súa completa finalización e arquivo: «Proxectos de investimento empresarial superior a 500.000 euros (procedemento IG100)» e «Proxectos de servizos avanzados intensivos en emprego (procedemento IG101)». Así mesmo, péchase o prazo de presentación de solicitudes para os ditos programas.