Resolución de 13 de xuño de 2007, da Delegación Provincial da Coruña, pola que se somete a información pública o expediente de creación do couto troiteiro de San Román.

Resolución de 13 de xuño de 2007, da Delegación Provincial da Coruña, pola que se somete a información pública o expediente de creación do couto troiteiro de San Román. De conformidade co disposto no artigo 15.3º do vixente Regulamento de pesca fluvial e ordenación dos ecosistemas acuáticos continentais (Decreto 130/1997), sométese a información pública a creación do couto troiteiro dos Ánxeles, coas seguintes características: Concellos: Oroso, Trazo, Tordota, Ordes. Río: Lengüelle. Límite superior: confluencia do Lengüelle co río Cabrón Límite inferior: ponte da estrada local que une Sigüeiro con Ventas do Lengüelle. Lonxitude total: 7,533 Km. Categoría do couto: 3ª (troita). Nº de permisos diarios: 12 laborables e 15 en sábados, domingos e festivos. Talla de captura: 19 cm. Cupo de troitas: 10 troitas/pescador/día. O que se fai público para xeral coñecemento, sinalándose un prazo de quince díaIs contados a partir do día seguinte ao da publicación deste anuncio, para que as entidades e persoas que se consideren afectados poidan consultar o expediente e informarse nas oficinas do Servizo Provincial de Conservación da Natureza provincial desta delegación, sita no edificio administrativo de Servizos Multiples-Monelos da Coruña. Rematado o prazo que se sinala, o expediente remitiráselle ao director xeral de Conservación da Natureza, para a resolución do procedemento. A Coruña, 13 de xuño de 2007. Manuel Tajes Gómez Delegado provincial da Coruña