Resolución conxunta do 18 de outubro de 2005, da Dirección Xeral de Ordenación e Innovación Educativa e do Instituto Enerxético de Galicia, pola que se resolve a concesión de premios á innovación educativa sobre as enerxías renovables en Galicia.

Resolución conxunta do 18 de outubro de 2005, da Dirección Xeral de Ordenación e Innovación Educativa e do Instituto Enerxético de Galicia, pola que se resolve a concesión de premios á innovación educativa sobre as enerxías renovables en Galicia. A Dirección Xeral de Ordenación e Innovación Educativa e o Instituto Enerxético de Galicia convocaron por Resolución conxunta do 7 de abril de 2005 (DOG do 22 de abril) premios á innovación educativa sobre as enerxías renovables en Galicia. De conformidade co disposto no artigo 7 da devandita resolución conxunta, o día 18 de outubro de 2005 constituíuse o xurado encargado de avaliar os traballos presentados, procedendo á súa valoración e levantándose na mesma data acta da proposta para a súa aprobación e publicación no Diario Oficial de Galicia. En consecuencia co anteriormente exposto, a Dirección Xeral de Ordenación e Innovación Educativa e o Instituto Enerxético de Galicia DISPOÑEN: Primeiro.- Conceder os premios á innovación educativa sobre as enerxías renovables convocados por Resolución conxunta do 7 de abril de 2005, aos traballos que se relacionan no anexo á presente resolución. Segundo.- Contra esta resolución poderase interpor recurso de alzada perante a conselleira de Educación e Ordenación Universitaria no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 114 e 115 da Lei 30/1992, modificada pola Lei 4/1999, do 13 de xaneiro, do réxime xurídico das administracións públicas e do procedemento administrativo común. Disposición derradeira Única.- A presente resolución entrará en vigor a partir do día seguinte ao da súa publicación. Santiago de Compostela, 24 de outubro de 2005. María José Pérez Mariño Directora xeral de Ordenación e Innovación Educativa Xoán Ramón Doldán García Director do Instituto Enerxético de Galicia ANEXO * Modalidade educación primaria-1º premio. Título: Sopra o vento no Cra. Coordinador: Rosa María Barreiro Carujo. Centro: CRA Nosa Señora do Faro, sito na travesía Rúa do Concello 14, Ponteceso, 15110-A Coruña. * Modalidade educación primaria-2º premio. Declárase deserto e, segundo o punto 3º do artigo 7 da resolución, determina a súa acumulación e compartimento dentro dos accésits da modalidade de educación secundaria. * Modalidade educación secundaria-1º premio. Título: As enerxías renovables no IES Castro da Uz. Coordinador: Xosé López Somoza. Centro: IES Castro da Uz, sito na rúa José Mª Penabad López s/n, As Pontes de García Rodríguez, 15320-A Coruña. * Modalidade de educación secundaria-2º premio. Título: Seguidor solar autónomo. Coordinador: Luis Mel Galocha. Centro: IES María Sarmiento, sito na rúa Misericordia 58, Viveiro, 27850-Lugo. * Modalidade de educación secundaria-Accésit 1. Título: Abastecemento enerxético dun edificio de vivendas mediante enerxía solar térmica, enerxía solar fotovoltaica e trixeración con pila de combustible. Coordinador: José Abelairas Vilariño. Centro: IES As Mercedes, sito na estrada de Madrid 75, 27002-Lugo. * Modalidade de educación secundaria-Accésit 2. Título: Promover o uso das cociñas solares. Coordinador: Rodrigo Pérez Pintos. Centro: IES de Meaño, sito rúa dos Colexios, Meaño-Dena, Pontevedra.