Regulamento (CE) Nº 1069/2009 do Parlamento Europeo e do Consello, do 21 de outubro de 2009, polo que se establecen as normas sanitarias aplicables aos subprodutos animais e os produtos derivados non destinados ao consumo humano e polo que se derroga o Regulamento (CE) Nº 1774/2002 (Regulamento sobre subprodutos animais).

O artigo 8, letra a), inciso iv), do Regulamento (CE) Nº 1069/2009 substitúese polo texto seguinte: «iv) animais utilizados en procedementos definidos no artigo 3 da Directiva 2010/63/UE do Parlamento Europeo e do Consello, do 22 de setembro de 2010, relativa á protección dos animais utilizados para fins científicos (*), en caso de que a autoridade competente decida que estes animais ou calquera das súas partes pode causar graves riscos de saúde aos seres humanos ou a outros animais, como consecuencia dos devanditos procedementos, sen prexuízo do disposto no artigo 3, apartado 2, do Regulamento (CE) Nº 1831/2003. ___________ (*) DO L 276 de 20.10.2010, páx. 33,».