Real Decreto-lei 12/2011, do 26 de agosto, polo que se modifica a Lei 1/2000, do 7 de xaneiro, de Axuizamento Civil, para a aplicación do Convenio Internacional sobre o embargo preventivo de buques e regúlanse competencias autonómicas en materia de policía de dominio público hidráulico.

Disposición final primeira. Modificación do texto refundido da Lei de Augas aprobado por Real Decreto Lexislativo 1/2001, do 20 de xullo. Engádese unha nova disposición adicional no texto refundido da Lei de Augas aprobado por Real Decreto Lexislativo 1/2001, do 20 de xullo, coa seguinte redacción: «Disposición adicional décimo cuarta. Competencias autonómicas en materia de policía de dominio público hidráulico. Nas concas hidrográficas intercomunitarias, corresponderá ás Comunidades Autónomas que teñan prevista a competencia executiva sobre as facultades de policía de dominio público hidráulico nos seus Estatutos de Autonomía, o exercicio, dentro do seu ámbito territorial, das funcións sinaladas no apartado 2 do artigo 94 desta Lei, así como a tramitación dos procedementos a que dean lugar as devanditas actuacións ata a proposta de resolución. No exercicio destas funcións, será aplicable aos órganos competentes das Comunidades Autónomas o disposto nos apartados 3 e 4 do artigo 94.»