Orde TED/818/2021, do 12 de xullo, pola que se aproban as bases reguladoras da concesión de subvencións da Fundación Biodiversidade, F.S.P., en réxime de concorrencia competitiva, para o financiamento da investigación e actividades que contribúan á transición ecolóxica, á conservación do patrimonio natural e a facer fronte ao cambio climático.

O obxecto desta orde é o establecemento das bases reguladoras para a concesión de axudas para o financiamento da investigación e actividades que contribúan a unha transición ecolóxica que, a través do coñecemento científico, fagan fronte ao desafío do cambio climático e a conservación do patrimonio natural, en liña co establecido nos plans e estratexias do Ministerio para a Transición Ecolóxica e o Reto Demográfico e as súas actualizacións, especialmente no referido no Plan Estratéxico do patrimonio natural e a biodiversidade e no Plan Nacional de adaptación ao cambio climático.