Orde TED/788/2024, do 24 de xullo, pola que se establecen as bases reguladoras para as convocatorias de axudas a proxectos de cadea de valor renovable, no marco do Plan de Recuperación, Transformación e Resiliencia, financiado pola Unión Europea-Next Generation EU.

Constitúe o obxecto desta orde o establecemento das bases reguladoras para a selección e concesión de axudas, en réxime de concorrencia competitiva, correspondentes a proxectos de cadea de valor que cumpran as condicións establecidas no punto 2.8 da Comunicación da Comisión Europea do 17 de marzo de 2023 (2023/C 101/03) sobre o Marco Temporal de Crise e Transición relativo ás medidas de axuda estatal destinadas a apoiar a economía tras a agresión contra Ucraína por parte de Rusia, todo iso no marco do Plan de Recuperación, Transformación e Resiliencia (PRTR). Esta orde de bases é un dos instrumentos xurídicos contemplados no esquema de apoio á cadea de valor de renovables e almacenamento descrito no investimento 3 da compoñente 31.