Orde TED/1381/2023, do 21 de decembro, pola que se regulan as bases para a concesión de axudas, en réxime de concorrencia competitiva, dirixidas a proxectos de infraestruturas ambientais, sociais e dixitais en municipios de zonas afectadas pola transición enerxética no marco do Plan de Recuperación, Transformación e Resiliencia, e procédese á convocatoria.

Constitúe o obxecto desta orde o establecemento dunhas bases reguladoras para a concesión de axudas dirixidas a financiar o custo de proxectos para a rehabilitación de infraestruturas públicas e bens de titularidade pública, co fin de reforzar o compoñente ambiental, social e dixital dos mesmos, en municipios inmersos en procesos de transición enerxética afectados polo peche de explotacións de minería de carbón, centrais térmicas de carbón e centrais nucleares.