Orde TED/1018/2021, do 20 de setembro, pola que se aproban as bases reguladoras para a concesión de subvencións da Fundación Biodiversidade, F.S.P., para fomentar actuacións dirixidas á renaturalización e resiliencia de cidades españolas, no marco do Plan de Recuperación, Transformación e Resiliencia, e apróbase a convocatoria correspondente ao ano 2021.

O obxecto desta orde é o establecemento das bases reguladoras da Fundación Biodiversidade FSP (en diante FB) para a concesión de axudas para o fomento de actividades que contribúan á renaturalización urbana e fluvial, así como para a mitigación dos riscos de inundación, incrementando a infraestrutura verde e a conectividade dos espazos verdes e azuis.
Estas axudas colaboran na consecución dos obxectivos do Plan de Recuperación, Transformación e Resiliencia, compoñente 4, investimento 3 (C4.I3) e obxectivo 71, e compoñente 5, investimento 2 (C5.I2) e fito 77.