Orde TED/1016/2021, do 20 de setembro, pola que se aproban as bases reguladoras para a concesión de subvencións da Fundación Biodiversidade, F.S.P., para apoio a programas e proxectos de investigación en materia de xestión da biodiversidade, no marco do Plan de Recuperación, Transformación e Resiliencia, e apróbase a convocatoria correspondente ao ano 2021.

O obxecto desta orde é o establecemento das bases reguladoras da Fundación Biodiversidade F.S.P. (en diante FB) para a concesión de axudas para o financiamento de proxectos de investigación que promovan a aplicación do coñecemento científico para a toma de decisións na planificación e xestión da biodiversidade.
Estas axudas contribúen á consecución dos obxectivos do Plan de Recuperación, Transformación e Resiliencia (PRTR) no marco do compoñente 4, investimento 1 e fitos 65 e 66.