Orde do 30 de maio de 2006 pola que se declara de interese galego a Fundación Mundonatura e se ordena a súa inscrición na sección do Rexistro de Fundacións de Interese Galego desta consellería.

Orde do 30 de maio de 2006 pola que se declara de interese galego a Fundación Mundonatura e se ordena a súa inscrición na sección do Rexistro de Fundacións de Interese Galego desta consellería. Con data do 23 de marzo de 2005, publicouse no Diario Oficial de Galicia número 58, a Orde do 1 de marzo de 2006 pola que se clasifica de interese social a Fundación Mundonatura, adscribíndose á Consellería de Medio Ambiente e Desenvolvemento Sostible, que terá que exercer o protectorado plenamente sobre ela. Esta fundación, de acordo co establecido no artigo tres dos estatutos, ten por obxecto a protección da natureza e a cultura ancestral galega, así como o mantemento, coidado e xestión ecolóxica de espazos naturais, principalmente zonas de cultivo e plantacións froiteiras e forestais. Así mesmo, a fundación realizará actividades de carácter divulgativo e didáctico relacionadas co obxecto fundacional. Por todo isto, en virtude das competencias que me confire o artigo 34 da Lei 1/1983, do 22 de febreiro, reguladora da Xunta e do seu presidente e segundo o establecido nos artigos 8 da Lei 7/1983, do 22 de xuño, de réxime das fundacións de interese galego, e na Lei 11/1991, do 8 de novembro, de reforma da anterior, e 32.3º a) do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, DISPOÑO: Primeiro.- Declarar de interese galego a Fundación Mundonatura, ao cumprir os seus estatutos as prescricións que, para tal efecto, sinala a vixente lexislación en materia de fundacións de interese galego. Segundo.- Ordenar a inscrición da dita fundación no Rexistro de Fundacións de Interese Galego, sección da Consellería de Medio Ambiente e Desenvolvemento Sostible, para os efectos constitutivos que sinala a Lei 7/1983, do 22 de xuño, de réxime das fundacións de interese galego, modificada pola Lei 11/1991, do 8 de novembro. Terceiro.- A dita fundación queda sometida ao disposto no resto da normativa de xeral aplicación, en especial, ás obrigas de darlle publicidade suficiente ás súas actividades, e a ausencia de ánimo de lucro na prestación dos seus servizos, quedando obrigada a lle render contas anualmente ao protectorado e xustificar a través dunha memoria anual o cumprimento das cargas fundacionais así como presentarlle o proxecto de orzamento ao protectorado con anterioridade ao inicio do exercicio económico para o que se formula, e debendo solicitar as preceptivas autorizacións, cando sexan necesarias. Santiago de Compostela, 30 de maio de 2006. Manuel Vázquez Fernández Conselleiro de Medio Ambiente e Desenvolvemento Sostible