Orde do 21 de decembro de 2006 pola que se resolve a concesión dos premios á innovación educativa sobre os temas transversais

Orde do 21 de decembro de 2006 pola que se resolve a concesión dos premios á innovación educativa sobre os temas transversais. A Consellería de Educación e Ordenación Universitaria, a Vicepresidencia da Igualdade e do Benestar, a Consellería de Política Territorial, Obras Públicas e Transportes, a Consellería de Innovación e Industria, a Consellería de Sanidade, e a Consellería de Medio Ambiente e Desenvolvemento Sostible convocaron premios á innovación educativa sobre os temas transversais a través da Orde do 28 de agosto de 2006 (DOG do 13 de setembro). Cumprida a tramitación prevista na convocatoria de referencia e de conformidade co disposto no seu artigo 14, esta consellería, RESOLVE: Primeiro.- Conceder os premios á innovación educativa sobre os temas transversais, convocados por orde conxunta do 28 de agosto de 2006, aos traballos que se relacionan no anexo desta orde. Segundo.- Declarar deserto un premio dentro do tema de Educación para o consumo. Declarar deserto un premio dentro do tema de Educación para a sustentabilidade. Terceiro.- Esta orde entrará en vigor o día seguinte ao da súa publicación no Diario Oficial de Galicia. Cuarto.- Contra esta orde, poderase interpor recurso de reposición perante a conselleira de Educación e Ordenación Universitaria a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de xaneiro, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia, de conformidade coa Lei 29/1998, do 13 de xullo. Santiago de Compostela, 21 de decembro de 2006. Laura Sánchez Piñón Conselleira de Educación e Ordenación Universitaria ANEXO Tema: Transversalidade na educación. Dous premios, de 1.500 euros cada un, aos traballos seguintes: Título: Se convivimos tanto rato..Por que non darnos un mellor trato?. Coordinadora: Carmen Valcárcel Juárez. Centro: CEIP Carlos Casares. Título: Transversalidade e novas tecnoloxías. Coordinador: Marcelino Veiguela Fuentes. Centro: IES de Chapela. Tema: Educación para a igualdade de ambos os sexos. Dous premios, de 1.500 euros cada un aos traballos seguintes: Título: A outra cara da ciencia. Autora: Mª Jesús Leis Blanco. Centro: IES Pedro Floriani. Título: Habelas hainas. Mulleres e ciencia. Coordinadora: Susana Paz Díaz. Centro: IES Auga da Laxe. Tema: Educación viaria Dous premios, de 1.500 euros cada un, aos traballos seguintes: Título: Proxecto de educación viaria. Todos a bordo. Autor: Roberto Zapata Rodríguez. Centro: CEIP Atín-Cela.-Título: Lucila. Coordinadora: Carmen Martínez López. Centro: CEIP de Valeixe. Tema: Educación para o consumo. Un premio de 1.500 euros ao traballo. Título: Proxecto Laranxa. Coordinador: Manuel Ulloa Díaz . Centro: IES Auga da Laxe. Tema: Educación para a saúde. Dous premios, de 1.500 euros cada un, aos traballos seguintes Título: Campaña de alimentación. Un almorzo saudable. Coordinadora: María Rodríguez Fachal. Centro: CEIP A Solaina.-Título: Proxecto san. Autor: Francisco Soñora Luna. Centro: IES Espiñeira. Tema: Prevención do consumo indebido de drogas. Dous premios de 1.500 euros cada un, aos traballos seguintes: Título: As drogas fan dano...Vive sen elas!!!. Autor: Rubén José Annichiarico Ramos. Centro: CEIP de Bormoio-Agualada.-Título: Xuntos mellor. Coordinador: Alfredo Abraira Álvarez. Centro: CPI San Tomé de Carballo. Tema: Educación para o lecer. Dous premios, de 1.500 euros cada un, aos traballos seguintes: Título: Ven e xoga connosco. Autor: Mª José Castro Girona. Centro: CPI Luis Díaz Moreno. Título: O circo unha actividade que nos une. Autora: Marta Castro Girona. Centro: CEIP Teixeiro. Tema: Educación ambiental e para a sostibilidade. Un premio de 1.500 euros ao traballo. Título: O valor dos bosques. Os incendios forestais. Autor: Julio Rodríguez García. Centro: CEIP O Piñeiriño.