Orde do 18 de abril do 2007 pola que se zonifica o territorio con base no risco espacial de incendio forestal.

A Lei 3/2007, do 9 de abril, de prevención e defensa contra os incendios forestais de Galicia, ten por obxecto defender os montes ou terreos forestais fronte aos incendios e protexer as persoas e os bens por eles afectados, promovendo a adopción dunha política activa de prevención coordinada de todas as administracións públicas de acordo coa lexislación galega en materia de emerxencias, baseada en: a) Actuar nos montes e áreas confinantes mediante os tratamentos axeitados da biomasa vexetal. b) Compatibilizar e regular os aproveitamentos e transformacións do monte e zonas agrarias confinantes coa finalidade de evitar os incendios. c) Establecer as condicións para a protección dos asentamentos rurais respecto dos incendios forestais, no marco dunha política integral de desenvolvemento rural. d) Regular as repoboacións forestais co propósito de ordenar silvicolamente as novas repoboacións nos perímetros dos asentamentos de poboación e de actuar en unidades de xestión sustentables e rendibles e que conten, entre outros criterios, coa axeitada planificación preventiva. e) Regular a redacción dos diferentes plans de prevención e defensa e a coordinación entre as distintas administracións. Dentro do título II, de Planeamento da defensa do espazo rural fronte aos incendios forestais, como elemento básico do planeamento e para os efectos desta lei, con base en criterios da información histórica sobre a ocorrencia de incendios forestais, vulnerabilidade poboacional, ameazas aos ecosistemas forestais e a protección do solo fronte á erosión, clasifícase o territorio segundo o risco espacial de incendio forestal en Galicia en zonas de baixo risco, medio risco e alto risco de incendio forestal. Así mesmo, no artigo 12 defínense as zonas de alto risco (ZAR) de incendio como as superficies onde se recoñece como prioritaria a aplicación de medidas máis rigorosas de defensa contra os incendios forestais ante o elevado risco de incendio, pola especial frecuencia ou virulencia dos incendios forestais ou a importancia dos valores ameazados. A zonificación de Galicia e a definición das devanditas zonas de alto risco faranse, segundo se prevé nos artigos 11 e 12, por orde da consellaría con competencia en materia forestal. Para estes efectos, e en virtude do artigo 34 da Lei 1/1983, do 22 de febreiro, reguladora da Xunta de Galicia e do seu presidente, DISPOÑO: Artigo primeiro.- Decláranse zonas de alto risco de incendios forestais as que se recollen no anexo I, compostas polos concellos que se relacionan. No anexo II recóllese o mapa en que veñen reflectidas a configuración e distribución territorial dos concellos que conforman as zonas ZAR. Artigo segundo.- Todos os concellos que non aparezan recollidos no anexo I serán considerados incluídos en zona de medio risco de incendio forestal. Disposición derrogatoria.- Declárase expresamente derrogada a Orde do 12 de xullo de 2005 pola que se declaran as zonas de especial risco de incendios forestais. Disposicións derradeiras Primeira.- Facúltase o director xeral de Montes e Industrias Forestais para ditar cantas disposicións sexan precisas para a aplicación do disposto nesta orde. Segunda.- Esta orde entrará en vigor o día seguinte ao da súa publicación no Diario Oficial de Galicia. Santiago de Compostela, 18 de abril do 2007. Alfredo Suárez Canal Conselleiro do Medio Rural ANEXO I - Zonas de alto risco de incendios Provincia da Coruña DISTRITO - CONCELLO I - FERROL I - MONFERO I - NARÓN I - NEDA I - VALDOVIÑO II - ABEGONDO II - ARANGA II - ARTEIXO II - CARBALLO II - CORISTANCO II - CORUÑA (A) II - CURTIS II - LAXE II - LARACHA (A) II - MALPICA DE BERGANTIÑOS II - PONTECESO II - CABANA DE BERGANTIÑOS III - AMES III - BRIÓN III - CERCEDA III - MELIDE III - MESÍA III - ORDES III - SANTIAGO DE COMPOSTELA III - SOBRADO III - TEO III - TOQUES III - TORDOIA III - VAL DO DUBRA III - VEDRA IV - BAÑA (A) IV - BOIRO IV - DODRO IV - LOUSAME IV - NEGREIRA IV - NOIA IV - OUTES IV - PADRÓN IV - POBRA DO CARAMIÑAL (A) IV - PORTO DO SON IV - RIANXO IV - ROIS IV - RIBEIRA V - CAMARIÑAS V - CARNOTA V - CEE V - DUMBRÍA V - FISTERRA V - MAZARICOS V - MUXÍA V - MUROS V - SANTA COMBA V - VIMIANZO V - ZAS Provincia de Lugo DISTRITO - CONCELLO VII - BECERREÁ VII - CERVANTES VII - FONSAGRADA (A) VII - NAVIA DE SUARNA VIII - BÓVEDA VIII - CHANTADA VIII - MONFORTE DE LEMOS VIII - QUIROGA VIII - RIBAS DE SIL VIII - SAVIÑAO (O) VIII - TABOADA VIII - CARBALLEDO IX - FRIOL IX - GUNTÍN IX - INCIO (O) IX - LUGO IX - PALAS DE REI IX - SARRIA IX - MONTERROSO X - COSPEITO X - GUITIRIZ X - VILALBA Provincia de Ourense DISTRITO - CONCELLO XI - AVIÓN XI - BOBORÁS XI - CARBALLEDA DE AVIA XI - CARBALLIÑO (O) XI - IRIXO (O) XI - MASIDE XI - MELÓN XI - PIÑOR XI - SAN CRISTOVO DE CEA XI - CORTEGADA XII - ALLARIZ XII - BAÑOS DE MOLGAS XII - BOLA (A) XII - CELANOVA XII - ESGOS XII - XUNQUEIRA DE AMBÍA XII - XUNQUEIRA DE ESPADANEDO XII - MACEDA XII - MERCA (A) XII - NOGUEIRA DE RAMUÍN XII - OURENSE XII - PADRENDA XII - PEREIRO DE AGUIAR (O) XII - QUINTELA DE LEIRADO XII - VEREA XIII - BARCO DE VALDEORRAS (O) XIII - BOLO (O) XIII - CARBALLEDA DE VALDEORRAS XIII - CASTRO CALDELAS XIII - CHANDREXA DE QUEIXA XIII - LAROUCO XIII - MANZANEDA XIII - PETÍN XIII - POBRA DE TRIVES (A) XIII - SAN XOÁN DE RÍO XIII - RUBIÁ XIII - TEIXEIRA (A) XIII - VEIGA (A) XIII - MONTEDERRAMO XIV - CASTRELO DO VAL XIV - CUALEDRO XIV - GUDIÑA (A) XIV - LAZA XIV - MEZQUITA (A) XIV - MONTERREI XIV - OÍMBRA XIV - RIÓS XIV - VERÍN XIV - VIANA DO BOLO XIV - VILARDEVÓS XIV - VILARIÑO DE CONSO XV - BALTAR XV - BANDE XV - BLANCOS (OS) XV - CALVOS DE RANDÍN XV - ENTRIMO XV - XINZO DE LIMIA XV - LOBEIRA XV - LOBIOS XV - MUÍÑOS XV - RAIRIZ DE VEIGA XV - VILAR DE BARRIO Provincia de Pontevedra DISTRITO - CONCELLO XVI - CERDEDO XVI - DOZÓN XVI - ESTRADA (A) XVI - FORCAREI XVI - AGOLADA XVI - LALÍN XVI - RODEIRO XVI - SILLEDA XVI - VILA DE CRUCES XVII - ARBO XVII - CAÑIZA (A) XVII - COVELO XVII - MONDARIZ XVII - MONDARIZ-BALNEARIO XVII - NEVES (AS) XVII - PONTEAREAS XVII - SALVATERRA DE MIÑO XVII - CRECENTE XVIII - BAIONA XVIII - FORNELOS DE MONTES XVIII - GONDOMAR XVIII - GUARDA (A) XVIII - MOS XVIII - OIA XVIII - PAZOS DE BORBÉN XVIII - PORRIÑO (O) XVIII - REDONDELA XVIII - ROSAL (O) XVIII - SALCEDA DE CASELAS XVIII - SOUTOMAIOR XVIII - TOMIÑO XVIII - TUI XVIII - VIGO XVIII - NIGRÁN XIX - BARRO XIX - CALDAS DE REIS XIX - CAMBADOS XIX - CANGAS XIX - CATOIRA XIX - COTOBADE XIX - LAMA (A) XIX - MARÍN XIX - MEAÑO XIX - MEIS XIX - MOAÑA XIX - PONTEVEDRA XIX - PORTAS XIX - POIO XIX - PONTECALDELAS XIX - SANXENXO XIX - VALGA XIX - VILABOA XIX - VILANOVA DE AROUSA XIX - VILAGARCÍA DE AROUSA XIX - GROVE (O) XIX - BUEU XIX - ILLA DE AROUSA (A)