Extracto da Resolución núm. 4461/2021, do 10 de febreiro, da Presidencia da Deputación da Coruña, pola que se aproba a convocatoria do “Programa MA100, de subvencións para limpeza de praias marítimas, dirixido aos concellos da Provincia da Coruña, durante o exercicio 2021”.

A finalidade deste programa é a concesión de axudas aos concellos da provincia da Coruña, en réxime de concorrencia competitiva, para o sostemento dos gastos de limpeza das praias marítimas do seu termo municipal entre o 1 de abril e o 31 de outubro de 2021, considerándose como subvencionables os gastos de contratación de persoal e de adquisición de material funxible necesario para a súa adicación á limpeza das praias marítimas (vestiario, produtos de limpeza, combustible, etc.), ou, se fora o caso, os da externalización da prestación do servicio.