Extracto da Resolución núm. 12857/2019, de 10 de abril, da Presidencia da Deputación da Coruña, pola que se aproba a convocatoria do “Programa DP0037/2019, de subvencións a asociaciones protectoras de animais domésticos da provincia da Coruña para a realización de investimentos no ano 2019”.

A finalidade deste programa é financiar os gastos relacionados coa protección de animais domésticos da provincia da Coruña para investimentos que se realicen no ano 2019 por parte de asociacións de protección e defensa de animais domésticos, respectando as prioridades definidas na Lei 4/2017, de 3 de outubro, de Protección e benestar dos animais de compañía de Galicia, relacionadas coa recollida, atención e coidado de animais de compañía pertencentes ás especies canina e felina.