Extracto da Resolución do 5 de abril de 2022, da Secretaría de Estado de Política Territorial, pola que se aproba a convocatoria das subvencións por danos en infraestruturas municipais e rede viaria provincial e insular, previstas no Acordo do Consello de Ministros, do 21 de setembro de 2021, polo que se declara a varias comunidades autónomas "Zona afectada gravemente por unha emerxencia de Protección Civil".

As subvencións destinaranse a financiar os proxectos directamente relacionados cos episodios que constan no anexo da convocatoria, que executen os concellos, os cabidos e consellos insulares, as deputacións provinciais ou as comunidades autónomas uniprovinciais, as comarcas e as mancomunidades nos termos municipais e núcleos de poboación, relativos ás obras de reparación ou restitución de infraestruturas, equipamentos ou instalacións e servizos de titularidade municipal incluídos no artigo 25.2 da Lei 7/1985, do 2 de abril, Reguladora das Bases do Réxime Local, e da rede viaria das deputacións provinciais, dos cabidos e consellos insulares ou, no seu caso, das comunidades autónomas uniprovinciais.