Extracto da Resolución do 16 de abril de 2020, da Dirección do Consorcio Público de Xestión Instituto de Astrofísica de Canarias (IAC) pola que se publican seis bolsas de verán dirixidas a estudantes universitarios, que estean a cursar o máster para a súa formación na investigación astrofísica ou recentemente titulados (curso 2019-2020).

A presente Resolución ten por obxecto convocar, en réxime de publicidade, obxectividade e concorrencia competitiva, seis (6) axudas para a realización exclusiva de prácticas formativas de estudantes universitarios que estean a cursar o máster para a súa formación en investigación astrofísica, ou recentemente titulados (curso 2019-2020). A súa finalidade é a de formar e dar a coñecer aos estudantes a investigación astrofísica. A duración será de dous meses, desde o 15 de xullo ao 15 de setembro.