Convocatoria para a concesión de subvencións a comunidades de augas de consumo do concello do Porriño para o control sanitario, mantemento de instalacións e reparacións na rede de distribución durante o ano 2025.

Para a liña 1 comprenderá a reparación, substitución de redes de distribución cando non superen o número de dúas actuacións dun máximo de 50 metros lineais (no caso de superar esta cifra seria considerado un investimento que poderá ser encadrado na liña 2), os gastos correspondentes a analíticas de control sanitario e os gastos de mantemento e conservación áreas de actuación indicadas.
En canto á liña 2, as axudas serán destinadas á execución de obras de investimento en inmobles da súa titularidade ou daqueles que lles corresponda o seu dereito de uso, incluíndose a substitución de redes de distribución cando se superen os 50 metros lineais.