Anuncio do 26 de marzo de 2007, da Dirección Xeral de Desenvolvemento Sostible, polo que se fai pública a Resolución do 23 de marzo de 2007 pola que se establecen os requisitos para declarar a inviabilidade do sometemento do Plan Xeral de Ordenación Municipal do Concello de Oleiros aos trámites previstos no artigo 7 da Lei 9/2006, do 28 de abril, sobre avaliación dos efectos de determinados plans e programas no ambiente.

Anuncio do 26 de marzo de 2007, da Dirección Xeral de Desenvolvemento Sostible, polo que se fai pública a Resolución do 23 de marzo de 2007 pola que se establecen os requisitos para declarar a inviabilidade do sometemento do Plan Xeral de Ordenación Municipal do Concello de Oleiros aos trámites previstos no artigo 7 da Lei 9/2006, do 28 de abril, sobre avaliación dos efectos de determinados plans e programas no ambiente. En cumprimento do disposto na disposición transitoria primeira, no seu punto 2, da Lei 9/2006, do 28 de abril, de avaliación dos efectos de determinados plans e programas no ambiente, faise pública a resolución pola que se establecen os requisitos para declarar a inviabilidade da obriga de someterse ao procedemento establecido no seu artigo 7, do Plan de Ordenación Municipal do Concello de Oleiros, aprobado provisionalmente o 16 de maio de 2006 no Pleno do Concello. A dita resolución pódese consultar na Consellería de Medio Ambiente e Desenvolvemento Sostible no seguinte enderezo da internet: http://medioambiente.xunta.es/aea/avaliacion.jsp. Santiago de Compostela, 26 de marzo de 2007. Emilio M. Fernández Suárez Director xeral de Desenvolvemento Sostible