Anuncio do 15 de novembro de 2006, da Dirección Xeral de Calidade e Avaliación Ambiental, polo que se somete a información pública a solicitude de autorización ambiental integrada para as instalacións dunha fábrica de cerámica para a construción, no concello de Xunqueira de Espadanedo (Ourense), promovida por Cerámica Xunqueira, S.A. (Clave 2006/0067 NAA/IPPC).

Anuncio do 15 de novembro de 2006, da Dirección Xeral de Calidade e Avaliación Ambiental, polo que se somete a información pública a solicitude de autorización ambiental integrada para as instalacións dunha fábrica de cerámica para a construción, no concello de Xunqueira de Espadanedo (Ourense), promovida por Cerámica Xunqueira, S.A. (Clave 2006/0067 NAA/IPPC). Para os efectos previstos na Lei 16/2002, do 1 de xullo, de prevención e control integrados da contaminación (BOE nº 157, de 2 de xullo), e no Decreto 2414/1961, do 30 de novembro, polo que se aproba o regulamento de actividades molestas, insalubres, nocivas e perigosas (BOE nº 292, do 7 de decembro), faise público que, por espazo de trinta (30) días hábiles (contados a partir do día seguinte á publicación deste anuncio), quedará exposta en horas de atención ao público, a documentación correspondente á solicitude da autorización ambiental integrada para as instalacións da fábrica referida no encabezamento, co fin de que calquera interesado poida consultala e, se é o caso, formular no dito prazo as alegacións, suxestións e/ou observacións que considere convenientes. A documentación a expoñer será: * Proxecto básico para a solicitude da autorización ambiental integrada das súas instalación situadas en Veigachá. Xunqueira de Espadanedo. Ourense. Setembro 2006. * Documento resumo. Proxecto básico para a solicitude da autorización ambiental integrada das súas instalacións situadas en Veigachá. Xunqueira de Espadanedo. Ourense. Setembro 2006. * Proxecto para instalación dunha fábrica de cerámica para construción. Xullo 1998. * Proxecto de instalación dunha planta de coxeración en Cerámica Xunqueira, S.A. Xullo 1998. Para isto, poranse á disposición dos administrados exemplares da devandita documentación nas seguintes dependencias: * Consellería de Medio Ambiente e Desenvolvemento Sostible (Dirección Xeral de Calidade e Avaliación Ambiental; San Lázaro, s/n, 15781 Santiago de Compostela-A Coruña). * Delegación Provincial de Ourense da Consellería de Medio Ambiente e Desenvolvemento Sostible (Paseo, 18. 32003 Ourense). * Concello de Xunqueira de Espadanedo (praza dos Amigos, s/n, 32730 Xunqueira de Espadanedo. Ourense). Santiago de Compostela, 15 de novembro de 2006. Joaquín Lucas Buergo del Río Director xeral de Calidade e Avaliación Ambiental ANEXO Memoria resumo Clave: 2006/0067-NAA/IPPC. Peticionario: Cerámica Xunqueira, S.A. Domicilio social: Veigachá, s/n. 32708 Xunqueira de Espadanedo. Ourense. Localización das instalacións: Veigachá, s/n. 32708 Xunqueira de Espadanedo. Ourense. Un punto de localización das instalacións é o definido polas coordenadas U.T.M. X: 612.080, Y: 4.683.811. Actividade: fabricación de cerámica para a construción (ladrillos e outros produtos cerámicos). Descrición do proceso: unha vez que a arxila é extraída na canteira e transportada ata as instalacións da fábrica, o proceso de elaboración de produtos cerámicos consta das seguintes etapas: almacenamento de arxilas, preparación mecánica, mestura e amasadura, extrusionado, cortadura, secado, cocción e envasado. A capacidade produtiva da instalación é de 81.000 t/ano, sendo o seu grao de utilización medio de 53.000 t/ano.