P-2 Primeira venda de pesca fresca

Un obxectivo primordial no sector pesqueiro é a eliminación da sobrecapacidade e da sobrepesca, xunto coa reconstitución das poboacións esgotadas ou en vías de esgotamento e a protección das especies en perigo. Todo isto, ademais, perseguindo un aumento non tanto de produción como dos ingresos, compatible coa funcionalidade dos ecosistemas.

Os datos de captura e importe de primeira venda de produtos pesqueiros frescos, divididos por grandes grupos, amósanse a continuación:

Cantidades vendidas en lonxa e importe da primeira venda de pesca fresca en Galicia, 2003-2023

Fonte: Datos procedentes dos Anuarios de Pesca 2003-2023. Consellería do Mar.

Nota: Agrupamento das especies por "Grupos Biolóxicos". Polo xeral séguese a clasificación estrita dos grandes grupos, como son os PEIXES e os CRUSTÁCEOS (percebe, centola...); máis ao chegar aos moluscos, divídense en dous grupos, que son os MOLUSCOS CEFALÓPODOS (polbo, lura, ...) e os MOLUSCOS BIVALVOS (ameixa, vieira,...), por corresponder estes últimos a unha actividade diferenciada importante en Galicia, que é o marisqueo tradicional. Así, non se fai unha clasificación taxonómica estrita, senón máis ben de modo que facilite a análise da explotación do recurso, e a comparación con series estatísticas anteriores. OUTROS GRUPOS: agrúpanse as capturas de Algas, Equinodermos, moluscos Gasterópodos, Poliquetos e o resto de descargas.

Capturas primeira venda

A continuación amósase a evolución das capturas de primeira venda de frescos, coa excepción dos peixes que analizaremos aparte.

Durante o ano 2023, respecto do 2022, diminuíron as capturas en case todos os grupos, no que destacan os cefalópodos e bivalvos cun descenso do 56,5% e 32,43% respectivamente. En canto aos grupos pequenos que incluímos en Outros grupos, o maior descenso das capturas deuse nos gasterópodos (62,47%) e nas algas (42,31%).

Evolución das capturas de primeira venda de frescos . Período 2003-2023 

Fonte: Datos procedentes dos Anuarios de Pesca 2003-2023. Consellería do Mar.

No ano 2023 hai un lixeiro aumento dun 2,83% nas capturas de peixes con respecto ao ano anterior.

Evolución das capturas de primeira venda de PEIXE fresco. Periodo 2003-2023 

Fonte: Datos procedentes dos Anuarios de Pesca 2003-2023. Consellería do Mar.

As cantidades totais vendidas en lonxa no 2023 diminuiron un 6,33% respecto ao 2022.

Importe primeira venda

O importe total de primeira venda, ao igual que ocorreu coas capturas, diminuíu un 5,72% respecto ao 2022.

Nas seguintes gráficas amósase a evolución do importe total de primeira venda dos principais grupos de pesca.

Evolución do importe total de primeira venda por grupos. Periodo 2003-2023 

Fonte: Datos procedentes dos Anuarios de Pesca 2003-2023 . Consellería do Mar.

No 2023, con respecto ao 2022, o importe diminuíu nos principais grupos, destacando Cefalópodos e Bivalvos cun descenso no importe preto dun 27% e 12%, respectivamente.

Evolución do importe total de primeira venda de PEIXES. Periodo 2003-2023 

Fonte: Datos procedentes dos Anuarios de Pesca 2003-2023. Consellería do Mar.

Prezos medios das capturas

En canto ao prezo medio das capturas totais, mantense en comparación co ano anterior.

Se diferenciamos por grupos, houbo un aumento xeralizado no prezo medio, no que destaca un incremento do 69% no caso dos Cefalópodos.

Primeira venda de pesca fresca en Galicia 2003-2023. Prezos medios.

Fonte: Datos procedentes dos Anuarios de Pesca 2003-2022. Consellería do Mar.

Fonte: Datos procedentes dos Anuarios de Pesca 2003-2023. Consellería do Mar. Evolución do valor medio da primeira venda de pesca fresca por grupos. Periodo 2003-2023 

Fonte: Datos procedentes dos Anuarios de Pesca 2003-2023. Consellería do Mar. Evolución do valor medio da primeira venda de pesca fresca total. Periodo 2003-2023 

Fonte: Datos procedentes dos Anuarios de Pesca 2003-2023. Consellería do Mar.

Valoracións Finais

Indicador

P-2 Primeira venda de pesca fresca

Obxectivo

Acadar un equilibrio entre a explotación dun recurso natural e os rendementos económicos xerados; o obxectivo final perseguido é a explotación racional e sostible do recurso.

Tendencia

No seu conxunto, no 2023, tanto a cantidade total vendida en lonxa como o importe total de primeira venda diminuíron respecto ao 2022 (un 6,33% e un 5,72%, respectivamente), mentres que o valor medio mantívose con respecto ao ano anterior.