Avaliación da incidencia ambiental de actividades

Con respecto ás actividades que non están expresamente incluídas nin excluídas do disposto no Decreto 133/2008, deben remitirse á consellería para que esta decida o sometemento ou non da actividade de que se trate a AIA? ou decide o concello se procede ou non?

Si, o apartado segundo do punto 2 do artigo 2 establece que a Consellería competente en materia de medio ambiente decidirá sobre a necesidade ou non da avaliación das actividades non incluídas no anexo I que merezan a consideración de molesta, insalubres, nocivas e perigosas, para elo é necesario coñecer os datos básicos do proxecto.

¿Un velatorio promovido por unha Asociación de veciños, está suxeito a avaliación de incidencia ambiental?

Non.

No caso de unha actividade que se leva exercendo dende hai tempo nun polígono industrial, e que conta coa licencia inicial de activiade, pero non coa definitiva, xa que na visita de comprobación constátase que existe diferencias importante co proxecto aprobado...¿ Deberase esixir o cumplimeto de decreto 133/2008 no proxecto de legalización?

Se a solicitude de licenza de actividade é anterior á data de entrada en vigor do Decreto 133/2008, é dicir, ó 22 de xullo, continuará o seu trámite segundo a normativa anterior.

Teño unha dúbida sobre o procedemento a seguir naqueles casos de actividades incluídasno Anexo III, concretamente en relación coa documentación que deben presentar neses casos. ¿Sería aplicable a relación de documentación do artigo 7 para as actividades do Anexo III? Grazas. Ignacio L. Fernández Veiga Servizo de Medio Ambiente

En principio, ao tratarse de actividades excluídas do dictame de incidencia ambiental o Concello unicamente deberá esixirlle ao solicitante a presentación daquela documentación que este precise para outorgar a licenza. Pola contra, naqueles supostos onde exista dúbida de se actividade está ou non excluída deberá esixirlle tamén a presentación da documentación recollida no artigo 7 do Decreto 133/2008.

Segundo o Artigo 3 Modificación substancial: "Con fin de cualificar a modificación substancial dunha actividade xa autorizada terase en conta a maior incidencia...". A miña pregunta é, cando di "xa autorizada" refírese á licenza obtida antes da entrada en vigor do Decreto 133 (licenza segundo o RAMINP) ou refírese a actividades con licenza segundo este Decreto? Se a miña actividade ten licenza segundo o Ramin, e dende que se obtivo ata a entrada en vigor deste Decreto,experimentou un dos aspectos definidos no Art 3, estaría sometida ao procedemento de licenza de actividade sometida a avaliación de incidencia ambiental por modificación substancial segundo o D. 133/2008 ? Gracias

Cando se di "xa autorizada" no artigo 3.1 do Decreto refírese a que posúa licenza de actividade con independencia da norma respecto á que foi outorgada, é dicir, con independencia de se foi polo RAMINP ou polo Decreto 133/2008. Polo tanto, se a actividade da cuestión proposta con licenza do RAMINP sufre unha modificación substancial do artigo 3 do novo Decreto está sometida ao procedemento de avaliación de incidencia ambiental segundo o artigo 2.1 do Decreto 133/2008.

Están subxeitas ó Decreto 133/2008 de AIA as discotecas, salas de festas e pubs?

As discotecas, pubs e similares unicamente están excluídas (Anexo III.4.1) do procedemento de avaliación da incidencia ambiental se non producen perturbacións, pois de ser así, serán sometidas ao dito procedemento, segundo o artigo 2.2 do Decreto 133/2008, ao tratarse dunha actividade molesta.

En caso de una nueva actividad que se encontraria clasificada dentro del decreto 133/2008, pero también en el anexo de la IPPC. Que procedimiento de estos se debe seguir para obtener los correspondiente permisos ambientales.

O procedemento establecido para o outorgamento da autorización ambiental integrada segundo o artigo 29 da Lei 16/2002, do 1 de xullo, sen prexuízo da resolución definitiva da autoridade municipal que, en todo caso, deberá ser emitida.

Se solicita en el Ayuntamiento licencia para apertura de un local destinado a Lavado de vehículos, ¿estaría sometido al procedimiento de evaluación de incidencia ambiental?. ¿Cual es el procedimiento y los requisitos necearios para solicitar la delegación de la Consellería al Ayuntamiento, según lo establecido en el art. 5 del Decreto 133/2008, para la competencia de decisión de la necesidad o no de evaluación de incidencia ambiental, de las actividades contempladas en el punto 2 del art. 2.?.

Parece que se trata dun local só para lavado ( sen gasolineira ou estación de servicio) e dado que estas instalacións non están nin incluídas (Anexo I) nin excluídas expresamente (Anexo III) da tramitación do Decreto133/2008, haberá que valorar en cada caso os criterios do AnexoII por se podería resultar molesta, insalubre, nociva ou perigosa, do artigo 2.2 do Decreto, caso no que tería que someterse ao procedemento de avaliación da incidencia ambiental.

Respecto á delegación dicir que é necesaria unha solicitude do Concello, xunto coa acreditación de que conta cos medios para desenvolver a competencia que se pretende delegar e so pode abranguer as actividades do artigo 2.2 do Decreto e a competencia de decisión da necesidade ou non da avaliación de incidencia ambiental daquelas actividades que non figuran no Anexo I como expresamente incluídas. O procedemento está regulamentado, principalmente, nos art 182 a 185 da Lei 5/1997 da Administración Local de Galicia.

Actividade destinada a granxa de engorde de polos, con licenza outorgada segundo o RAMINP. Solicítase a súa ampliación ao abeiro da Disposición Transitoria 11 da Lei 9/2002, do 30 de decembro. Pasa de 31.000 aves a 47.500. É necesario sometela a avaliación de incidencia ambiental?

Si; a granxa incrementa a súa capacidade productiva en máis dun 50% sendo una modificación substancial sometida a dictame de avaliación de incidencia ambiental.

Hai algunha xustificación expresa no Decreto de Avaliacion ambiental na que ampararse para entender excluida da sua aplicacion a instalacion de estacion base e antenas de telefonia cando a referida actividade no consta no anexo III e sí pola contra puidera entenderse dentro do ambito de aplicacion do decreto por aplicacion do seu artigo 2.2 (por ser actividades que ata agora se caracterizaban como insalubres, nocivas...)

Segundo o Decreto 133/2008, ¿é necesaria a tramitación da avaluación de incidencia ambiental (AIA) por unha empresa madereira? Asimesmo, ¿a obtención da Avaliación Ambiental Integrada (AAI) correspondese dalgún xeito coa anterior tramitación e, en todo caso, coa obtención da licencia de actividade correspondente?

-. Respecto á empresa madereira: a resposta dependerá das características do proxecto, a superficie a ocupar e a potencia a instalar. (Anexo I punto 1.5) . En relación coa obtención da AAI dicir que unha instalación que precisa AAI non será sometida ao procedemento do Decreto 133/2008, é dicir, tampouco necesitará dictame de incidencia ambiental, sen prexuízo de que o Concello terá que emitir igualmente a súa licenza final de actividade, segundo o previsto no artigo 29 da Lei 16/2002, do 1 de xullo, de prevención e control integrados da contaminación.

Con anterioridad al Decreto 133/2008 todos los proyectos de actividad, con excepción de las actividades inocuas, previa a la licencia se remitian a la delegación de medio ambiente para informe; ¿con el nuevo decreto solamente se deben de enviar las de a.i.a. o hay que enviar todas las que no sean inocuas?

Do mesmo xeito que co RAMINP deberán ser enviadas todas as que no sexan inocuas, porque as que no están expresamente incluídas no Anexo I poden ser cualificadas como molestas, insalubres, nocivas ou perigosas, segundo o artigo 2.2 do Decreto 133/2008.

Tengo una duda sobre la necesidad o no de someter a Evaluación AMbiental Estratégica la ejecución de un ramal de enlace a una autopista o autovía, pero tras la lectura del Decreto no he conseguido aclararla. ¿Podrían decirme si en este caso es necesario someterlo o no? Gracias. Sonia Freire

A avaliación ambiental estratéxica non é obxecto deste Decreto 133/2008, está regulada na Lei 9/2006, do 28 de abril, sobre a avaliación dos efectos de determinados plans e programas no medio ambiente e se tramita pola Dirección Xeral de Desenvolvemento Sostible. Polo tanto, a consulta formulada non pode ser resolta neste rexistro de dúbidas do Decreto 133/2008.

TEÑO UNHA DÚBIDA CUN EXPEDIENTE QUE PRESENTARON NO CONCELLO PARA A INSTALACIÓN DUNHA ESTACIÓN DE TELEFONÍA MÓBIL, ENTROU EN REXISTRO ANTES DA ENTRADA EN VIGOR DO DECRETO 133/2008, DEBEMOS TRAMITALA POR RAMINP OU POLO NOVO DECRETO??

Todo o que tivese entrada (data de Rexistro) no Concello con anterioridade ó día 22 de xullo de 2008, tramitarase segundo a normativa anterior (Decreto 2414/1961) e, por contra, o que teña data de entrada 22 de xullo ou posterior, tramitarase polo Decreto 133/2008.

¿As liñas de media tensión e os centros de transformación deben de tramitarse vía decreto 133/2008? De non ser necesario ¿é suficiente coa licenza de obra municipal? 2. Os locales de hostelería que non entren no anexo de aplicación do decreto 133/2008, ¿tramítase directamente a licenza polo concello ou é preceptivo e necesario a emisión de informe dalgunha consellería (sanidade ou presidencia (REPAR))?

O Decreto 133/2008 de incidencia ambiental regula un procedemento de carácter exclusivamente ambiental, mantendo en vigor o cumprimento doutras lexislacións sectoriais e das ordenanzas municipais que puidesen exixir outros requisitos distintos dos puramente ambientais.

En canto ás actividades excluidas do tramite de incidencia ambiental ¿é necesario que o concello redacte unha ordenanza reguladora?¿existe algún modelo de ordenanza? grazas

Debe ser o propio Concello, en exercicio das súas competencias, o que determine o procedemento nos supostos cuestionados.

Quixeramos saber si unha carnicería ou obradoiro de carne está suxeita a avaliación de incidencia ambiental e en que grupo dos do Anexo I se incluiría de selo caso

Neste caso dependerá da potencia instalada e da superficie da instalación así como de se se trata de comercio polo miúdo; neste sentido, de tratarse dunha carnicería polo miúdo que non supere os 15kW de potencia contratada nin a súa superficie supere os 400 m2 estaría excluída segundo o punto 3.1 do Anexo III do Decreto 133. Pola contra, de superarse esos umbrais podería someterse ao procedemento de avaliación de incidencia ambiental, segundo o previsto no artigo 2.2 do Decreto 133/2008 se se aprecia algunha das características establecidas no Anexo II do mesmo.

Con motivo de la entrada en vigor del Decreto 133/2008, del 12 de junio, y la consecuente pérdida de vigencia del Decreto 2414/1961, de 30 de Noviembre, y en relación con aquellas actuaciones sujetas al nuevo dictamen de incidencia ambiental, entre otras cuestiones, se plantea el tema de la exigencia legal de mecanismos de comprobación de la actividad a desarrolar que sustituyan a la anterior Licencia Provisional y Definitiva, ya que en la nueva normativa solo se habla de una licencia de actividad. ¿ en qué momento se comprueba por la Administración municipal el cumplimiento de la medidas correctoras para la concesión de la licencia que permita el funcionamiento y apertura de la actividad proyectada ?

De conformidade co previsto no artigo 33.1 do Decreto 156/1995, do 3 de xuño, de inspección ambiental, a vistita de comprobación destas actividades efectuarase con posterioridade a emisión da licenza de actividade e con carácter previo ó inicio da actividade.

Neste Concello existen actividades que teñen xa licenza definitiva polo RAMINP, pero que ao entrar en vigor o Decreto 133/2008 e ao estar incluídas no seu ámbito de aplicación tramitaron a autorización ambiental integrada para adaptarse a nova normativa. Dita autorización ambiental integrada xa chegou ao Concello e a dúbida que se plantea é a seguinte: ¿Debería outorgarse unha nova licenza definitiva de acordo coa autorización ambiental integrada a pesar de que xa a posúen polo RAMINP? ¿Se así fose, sería necesaria a previa visita de comprobación? ¿Como comproban os nosos técnicos cuestións medio ambientais que figuran na autorización ambiental integrada? ou ¿non é necesario e esa comprobación fana técnicos da Dirección Xeral de avaliación ambiental? Un saúdo.-

Dado que a autorización ambiental integrada (AAI) é vinculante para a autoridade municipal, segundo o artigo 29 da Lei 16/2002, se a actividade posuía licenza de actividade con anterioridade ó outorgamento da AAI, o Concello deberá modificar a súa licenza de actividade para axeitala a AAI.

No ámbito da AAI non é necesario que o Concello realice ningunha visita de comprobación, toda vez que esta será efectuada, no seu caso, polos técnicos desta Consellería; e isto sen prexuízo das inspeccións que lle correspondan ao propio Concello no ámbito das súas competencias.

Presentada ante un concello unha solicitude referida a unha actividade das incluídas no Decreto 133/2008 que non inclúa toda a documentación prevista no artigo 7 ¿ o Concello debe requerir para que complemente a solicitude consonte o artigo 71 da LRX-PAC , ou debe tramitar a solicitude sen mais?

Na tramitación da avaliación de incidencia ambiental e, en consecuencia, do procedemento de outorgamento da licenza de actividade no que se inserta, como procedemento administrativo que é, debe observarse sempre o cumprimento da Lei 30/1992, do 26 de novembro, de RXAP-PAC e, neste sentido, no suposto fomulado deberá efectuarse o requirimento de subsanación previsto no seu artigo 71 para que o solicitante complete a documentación requirida no artigo 7 do Decreto 133/2008.

No caso de actividades que teñan verquido( foxa séptica, E.D.A.R., balsa de decantación, ...), a declaración de incidencia ambiental deberá reflictir os parámetros de verquido, ¿ deberá solicitarse informe ao órgano de cunca ou será o propio servizo de calidade ambiental o que determine esos parámetros?,¿ cómo se fará no caso de emisións á atmosfera, cos valores límite?

Consonte co previsto no artigo 10.1 do Decreto 133/2008, unha vez que o expediente entra nesta Consellería o órgano que tramita o ditame de incidencia ambiental, é dicir, a Delegación Provincial correspondente, solicitará os informes oportunos á unidade competente para fixar os parámetros, límites e medidas correctoras en cada ambito (augas, atmósfera ....).

En resposta a pregunta formulada contestouse: "RESPOSTA: Todo o que tivese entrada (data de Rexistro) no Concello con anterioridade ó día 22 de xullo de 2008, tramitarase segundo a normativa anterior (Decreto 2414/1961) e, por contra, o que teña data de entrada 22 de xullo ou posterior, tramitarase polo Decreto 133/2008." A miña dúbida é: toda vez que segundo a Disposición derradeira terceira do D. 133/08 entrou en vigor ós vinte días da súa publicación no DOG, é dicir, o 21 de de xullo, entendo que as solicitudes de licenza que tiveran entrada o referido día 21 de xullo élle de aplicación o D. 133/08 (Disp. trans. única) e non o Raminp.

O Decreto entrou en vigor con data 22 de xullo de 2008 é, polo tanto, ratifícase a resposta dada con anterioridade.

¿As liñas de media tensión e os centros de transformación deben de tramitarse vía decreto 133/2008? De non ser necesario ¿é suficiente coa licenza de obra municipal?

En principio, non, agás que se dea algunha das características fixadas no Anexo II do Decreto 133/2008 relacionadas co territorio ou que teñan algún interese ambiental, o que permitirá cualificar as liñas de media tensión e os centros de transformación como sometidas ao procedemento da avaliación de incidencia ambiental, segundo o establecido no artigo 2.2 do Decreto.

Por un particular formulouse a seguinte cuestión na Delegación: Pretende tramitar a actividade hoteleira (sótano+3 plantas) en chan urbano consolidado, polo que conta coa infraestrutura de abastecemento e saneamento axeitada. A previsión de xeración de residuos é a propia da actividade residencial (residuos orgánicos) e ao tratarse dun ámbito urbano, a actividade proxectada non altera as características do ámbito, polo que á capacidade do medio receptor se refire. A potencia a contratar é de 36.800 W. Estando excluída a devandita actividade do anexo III, achéganse os datos anteriores en relación co Anexo II. É necesaria a tramitación da incidencia ambiental?

En principio cos datos achegados coa consulta a dita actividade quedaría fóra da tramitación da incidencia ambiental. Non obstante, de apreciarse algunha outra circunstancia das indicadas no anexo II e non matizada na consulta (puntos 2 e 3) poderíase valorar e xustificar a súa inclusión na mencionada tramitación.

Para emitir un concello a licenza de actividade dun restaurante pra bodas e banquetes e necesario comunicarlle aos lindantes nun radio de 200 m?

As actividades de ocio e entretemento e de restauración están excluídas do procedemento de avaliación da incidencia ambiental. Dende o punto de vista da incidencia ambiental o Decreto 133/2008 obriga a someter os expedientes de incidencia ambiental ó tramite de información pública , e a notificación persoal aos veciños e titulares de dereitos inmediatos ao lugar da localización proposta. O procedemento de exposición pública e notificación que contemplen as ordenanzas do Concello manteñen a súa vixencia.

Esta sometida a AIA unha aula de formación de soldadura para 20 alumnos, situada en unhas instalacións que xa teñen licencia? Grazas.

Dado que ese tipo de instalacións non están nin incluídas nin excluídas expresamente do procedemento de avaliación da incidencia ambiental, poderán ser sometidas ao mesmo, segundo o artigo 2.2 do Decreto 133/2008.

Un taller de reparación de vehículos con licenza de actividade do ano 1987 quere ampliar a súa actividade a venda de pneumáticos. Estaría sometida a A.I.A dita ampliación de actividade?

A resposta dependerá da propia tramitación que lle dea o Concello á ampliación de actividade, é dicir, poderá ser cualificada como modificación substancial do artigo 3 do Decreto 133/2008, no caso de que o concello modifique a licenza que xa se posúe; ou se se engade unha nova licenza á xa posuída por consideralo como unha actividade nova que se engade á anterior sen modificala, haberá que analizar os Anexos do Decreto e, consecuentemente o seu ámbito de apliación definido no artigo 2.2.

Están suxeitas a AIA as antenas e estación base de telefonía movil?

Esta actividade non se atopa dentro das contempladas no anexo I. Haberá que ter en conta o previsto no artigo 2.2 e os criterios do anexo II para o sometemento ou non a dictame de incidencia ambiental.

Segundo entendo na nova norma, almacéns de menos de 500 metros cadrados para materiais e obxectos (coas limitacións impostas pola norma) están excluídas do tramite de a.i.a. No caso de almacenar RCD LER 170904, en almacén de menor superficie, como o vai interpretar o concello onde se presente a solicitude? En actividades nas cales isto sexa marxinal (por exemplo empresas de materiais de construción), e teñan máis elementos a almacenar (e sempre que se fagan xestores), gustaríame saber como se vai interpretar isto (na norma, no seu punto 1.11 do anexo I, en teoría se aparece que puidesen estar obrigadas). Rogo aclárenme esta dúbida. Grazas

Ademaís da autorización administrativa correspondente como xestor, as instalacións para as actividades de recollida, recuperación e eliminación de residuos, están sometidas a avaliación da incidencia ambiental, segundo o anexo I 1.11.1.

No caso da creación dunha sociedade ou cooperativa de granxas, na que as cabezas de gando trasládanse todas a unha única instalación, debera acollerse a avaliación de incidencia ambiental? Outra dúbida, no caso dun viveiro (neste caso forestas) en solo urbano con venta o público debe acollerse? Moitas gracias

No tocante ás cabezas de gando: de superarse os mínimos previstos no punto 1.1 do Anexo I do Decreto 133/2008 si terán que pasar o procedemento de avaliación de impacto ambiental por tratarse dunha modificación substancial da actividade de conformidade co previsto no artigo 3 do Decreto.

No que atinxe ao viveiro forestal: a resposta dependerá da superficie da instalación e da potencia instalada: neste sentido, se se superan os 400m2 e 15kW si deberá pasar o procedemento de avaliación de incidencia ambiental segundo o previsto no artigo 2.2 do Decreto 133/2008 se se aprecia algunha das características establecidas no Anexo II do mesmo.

Gustariame saber cales son as competencias para facer proxectos de actividade nos que teñamos que aplicar o decreto 133/208. si é un proxecto de actividade clasificada podémolo asignar os arquitectos ou ten que facelo un enxeñeiro. gracias

É unha cuestión que deberá resolver cada Concello, como principal órgano tramitador da licenza de actividade na que se inserta o dictame de incidencia ambiental; é este o que deberá valorar qué cualificación profesional se requerirá para considerar se un determinado proxecto é redactado ou non por técnico competente.

Estas instalacións non están nin incluídas (Anexo I, inclúe a partir de 200 a 20.000 prazas) nin excluídas (Anexo III) expresamente da tramitación segundo o Decreto 133/2008; polo tanto, haberá que valorar caso a caso os criterios recollidos no Anexo II por se podería resultar molesta, insalubre, nociva ou perigosa, de conformidade co artigo 2.2 do Decreto..

No anexo III, punto 2. do D. 133/2008, exclúense as actividades industriais con potencia que non supere os 15 kw e a superficie os 400 m2. Pregunta: Isto supón a exclusión destas actividades industriais cando non superen os ditos limites ou so se refire ás que reflicte o punto 2.1., 2.2. 2.3. e 2.4.? Outra pregunta: No apartado 3 do Anexo III, o límite de 15 Kw e 400 m2 refírese únicamente as reparación de efectos personais (...) ou tamén ao comercio polo miudo. Grazas

A exclusión unicamente se refire ás actividades industriais dos puntos 2.1 a 2.4 cando non superen os 15 kw de potencia contratada e os 400m2 de superficie; en ningún caso, supón unha exclusión xeral de todas as actividades industriais que non superen os ditos umbrais, senón non tería sentido recoller os puntos 2.1 a 2.4.

Están os núcleos zoolóxicos sometidos a avaliación de incidencia ambiental? Pode considerarse segundo o establecido no artigo 2.2 do decreto 133/2008 que debe someterse ao mesmo por poder ser susceptible de ser considerada molesta, insalubre, nociva ou perigosa?

Estas instalacións non están nin incluídas (Anexo I) nin excluídas (Anexo III) expresamente da tramitación segundo o Decreto 133/2008; polo tanto, haberá que valorar caso a caso os criterios recollidos no Anexo II por se podería resultar molesta, insalubre, nociva ou perigosa, de conformidade co artigo 2.2 do Decreto.

As actividades incluidas no anexo III do citado decreto débense someter ó trámite de información pública contido no art. 8?

O Decreto 133/2008 establece a información pública como parte do procedemento de avaliación da incidencia ambiental no caso que sexa necesario. No caso das actividades de anexo III non é necesario para a tramitación en si mesma da avaliación de incidencia ambiental pero si podería ser necesaria a información pública para a emisión da propia licenza polo Concello. En caso de dúbida sobre este trámite terase en conta a Lei 30/1992, do 26 de novembro, de Réxime Xurídico das Administracións Públicas.

Me gustaria coñecer a vosa opinion sobre si unhas instalacións de deposito - almacenamento de madeira cortada do monte, estarain suxeitas o procedemento de avalicacion de incidencia ambiental . Con anterioridade tramitabase polo RAMIP por perigosa

Naqueles supostos nos que o almacenamento de obxectos e materias supere os umbrais establecidos no punto 4.7 do Anexo III do Decreto 133/2008, é dicir, que teñan unha superficie superior a 500 m2 ou se trate de produtos químicos, farmacéuticos, combustibles, lubricantes, fertilizantes, praguicidas, herbicidas, pinturas, vernices, ceras ou pneumáticos, terán que ser sometidos ó procedemento de avaliación de incidencia ambiental.

Gustaríanos saber cal sería o contido concreto e o organo que debe aprobar os informes de compatibilidade e o razoado do concello sobre a incidencia ambiental da actividade no ámbito local, do artigo 9 do Decreto, xa que antes se tramitaba como un acordo da Xunta do Goberno local informando favorablemente a solicitude, tralos informes do arquitecto e secretario

Segundo o teña establecido o propio concello

Na resposta a unha consulta anterior afírmase que as discotecas, pubs e similares estarían excluidas da AIA unicamente se non producen perturbacións. En cambio, da lectura conxunta do Anexo III en relación co artigo 2.3 do Decreto cabe interpretar que estas actividades están incluidas en todo caso (realmente tódalas actividades son susceptibles de xerar perturbacións das previstas no art. 13 da Lei 1/1995). Cal debe se-lo criterio a seguir?

As perturbacións dependerán da ubicación das mesmas (non é o mesmo unha discoteca no baixo dun edificio de vivendas que nunha estrada sen edificios cercanos). Haberá que valorar estas circunstancias para o seu sometemento ou non á avaliación de incidencia ambiental.

O artigo 6.2 fala dunha consulta previa ós concellos en canto ó sometemento ou non dunha actividade á AIA, sen que, salvo delegación, a resposta á consulta teña carácter vinculante. Pero por outra banda, o artigo 2 do Decreto dispón que será a consellería a competente para decidir se se someten a este procedemento as actividades non relacionadas nos anexos I e III. Como se coordinan estas dúas disposicións?

O Concello en caso de dúbida sobre calquera actividade das reguladas no Decreto 133/2008, antes de dar resposta ás consultas formuladas polos administrados poderá consultar á Delegación Provincial competente por razón de territorio desta Consellería, como órgano competente para a cualificación da actividade.

No anexo III do reglamento, no grupo 3, exceptúase do mesmo o comercio de vehículos a motor, motocicletas e ciclomotores, entendo por tanto que queda incluido no anexo I, e decir, suxeito ao procedemento de incidencia ambiental; Nembargantes, no anexo I (actividades incluidas) no punto 1.14 volve a exceptuar o comercio de vehículos de motor e motocicletas, deste xeito, un concesionario únicamente de venda de vehículos ou motos, sen taller, quedaría ou non incluido ao procedemento de AIA?. Atentamente

De conformidade co establecido no punto 1.13 do Anexo I a actividade de venda de vehículos de motor (aínda que non leven anexo un taller de reparación ) estaría sometida. De feito, o comercio polo miúdo está excluído (Anexo III.3), coa excepción do comercio polo miúdo de vehículos a motor que o excepcionarse da exclusión enténdese incluído.

Bos días: derrogado o RAMINP a tódolos efectos, ¿cómo van a tramitarse as antigas actividades clasificadas non incluídas no novo decreto (hostalería, ocio e entretemento, por exemplo), sobre todo no caso de non existir normativa municipal de tramitación?

Teranse que amparar obrigatoriamente polas ordenanzas municipais. De non existir, o Concello terá que establecelas.

Solicitouse no concello licenza de apertura de taller de reparacion de vehiculos rama mecanica a ubicar en laza. O uso atopase permitido expresamente no lugar en cuestion polo pxom vixente. ¿esta actividade tramitarase via decreto 133? ¿aparece no novo "nomenclator" saudos. O secretario

En principio sí se tramitaría segundo o dito Decreto sempre que se dean os requisitos recollidos no punto 1.13.1 do Anexo I do mesmo; e aínda que estas circunstancias (1000 m2 ou potencia superior ós 250 kw) non se apreciasen, podería entenderse como actividade sometida á dita tramitación se se considera incluída no artigo 2.2 da dito texto normativo á vista das circunstancias recollidas no anexo II.

As actividades incluidas no anexo III do citado decreto débense someter ó trámite de información pública contido no art. 8?

O feito que sexan actividades excluídas do trámite de incidencia ambiental, non significa que non precisen licenza de actividade, simplemente que están exentas da tramitación ambiental que realiza esta Administración autonómica segundo o Decreto 133/2008; polo tanto, o Concello deberá decidir por ser un tema da súa exclusiva competencia si precisan ou non de licenza de actividade (á marxe de que non precisen do dictame de incidencia ambiental) e polo tanto si se debe someter a información pública igualmente o expediente.

Ademáis da publicación no BOP, é necesaria a publicación no DOG

Sí, na súa tramitación o Concello debe proceder ao sometemento ao trámite de información pública tanto no BOP como no DOG. É obrigatoria esta doble publicación de anuncios segundo o artigo 8.3 do Decreto 133/2008.

No caso de actividades sometidas a autorización autonómica en solo rústico ou núcleo rural, segundo lei 9/2002, será obrigatorio que os concellos inclúan esta autorización outorgada no informe de compatibilidade urbanística, antes de envialo á CMADS?

Non é necesaria para a emisión do dictame ambiental pero sí o sería para a emisión da licenza de actividade polo Concello correspondente; polo tanto, será cada Concello o que teña que determinar qué valor lle outorga a esta autorización autonómica previa respecto ó seu informe de compatibilidade urbanística.

Dende os concellos actualmente se envía á CMADS para ditame e cualificación un anteproxecto( o mesmo que envían á CPTOPT-Urbanismo), proxecto básico ( código técnico de edificación), ou proxecto de execución (código técnico de edificación ), ¿ que tipo de proxecto técnico deben enviar os concellos á CMADS co novo decreto?

O que reflicta máis fielmente as características e parámetros que permitan a CMADS a avaliación da incidencia ambiental, e contemple a realidade do proxecto final.

No caso de actividades que teñen verquido tipo foxa séptica, E.D.A.R, balsa de decantación, a atmósfera...según o R.D.133/2008 , como sei os meus verquidos superan os límites? e en caso de superalos que medidas protectoras/correctoras poso aplicar en cada ámbito?Gracias

Cada entidade debe coñecer o funcionamento da súa actividade e das emisións que produce, neste sentido, coa solicitude de licenza de actividade deberá achegar (artigo 7.b) do Decreto 133/2008) a maior parte de datos sobre o vertido, por exemplo cunha analítica do mesmo, así como as medidas protectoras/correctoras a aplicar, isto será supervisado pola Administración, en concreto, por Augas de Galicia (solicitarase informe a este organismo polo órgano autonómico que tramita o procedemento de avaliación de incidencia ambiental) e de ser insuficientes indicarase no ditame de incidencia ambiental cales se deberán adoptar.

Os centros de transformación para a rede de distribución eléctrica e os depósitos de GLP que con anterioridade se tramitaban neste Concello segundo o RAMINP para a súa instalación e funcionamento, quedarían agora excluídos do procedemento de avalición de incidencia ambiental segundo o Decreto 133/2008

A necesidade ou non de someter estas instalacións ao procedemento de avaliación de incidencia ambiental, dependerá das características de cada proxecto, é dicir, poderá someterse segundo o previsto no artigo 2.2 do Decreto 133/2008 se se aprecia algunha das características establecidas no Anexo II do mesmo.Non obstante, para os GLP terase en conta previamente os puntos 1.13.2, 1.13.3 e 1.14.6 do Anexo I que os somete obrigatoriamente ao procedemento de avaliación de incidencia ambiental se se dan os umbrais establecidos nos ditos puntos.

É preciso o tramite de avaliación de incidencia ambiental para o proxecto dun centro de saúde?

Estas instalacións non están nin incluídas (Anexo I) nin excluídas (Anexo III, aínda que si figuran excluidas "as residencias de anciáns, centros de día e escolas infantís que se poderían considerar en algúns casos similares) expresamente da tramitación segundo o Decreto 133/2008; polo tanto, haberá que valorar caso a caso os criterios recollidos no Anexo II por se podería resultar molesta, insalubre, nociva ou perigosa, de conformidade co artigo 2.2 do Decreto.

Presentada ante un concello unha solicitude referida a unha actividade das incluídas no artigo 2.2 do Decreto 133/2008 ,¿qué tramitación debe seguir o Concello? remitir a solicitude e documentación anexa a Conselleria de Medio ambiente?

Exactamente a mesma que se se tratase dunha actividade expresamente incluida no Anexo I do Decreto 133/2008, é dicir a tramitación regulada nos artigos 8, 9 e 12 e seguintes deste texto normativo. Para estas actividades (artigo 2.2) unicamente se prevé un trámite exclusivo como é o suposto de consulta previa ao concello por parte dos administrados previsto no artigo 6.2.