XXVII Congreso da Asociación Española de Fotógrafos da Natureza (AEFONA)

No congreso presentaranse un total de 10 relatorios de recoñecidos fotógrafos de natureza españois e do panorama internacional. Os temas relativos á conservación e á fotografía estarán especialmente presentes na presentación do Festival Montphoto, que ten entre outras actividades de interese a Bolsa MontPhoto - WWF para o desenvolvemento, continuación e finalización dunha reportaxe fotográfica novel cuxa temática sexa un proxecto de conservación, e nos Premios ao Fotógrafo Conservacionista do Ano AEFONA cuxo fallo se fará público no congreso.