XXIII Xornadas de Xestión da Información - sostibilidade e medio ambiente desde institucións culturais

A emerxencia climática, o problema ambiental ao que nos enfrontamos a nivel mundial, afecta a todos os sectores, polo que bibliotecas, arquivos e museos debemos dar un paso adiante e asumir un papel activo nas nosas accións diarias. Enriquecer os nosos fondos con temas ambientais de actualidade, organizar actividades de sensibilización que desperten o sentido crítico das persoas usuarias, ou xestionar de forma más sostible as nosas instalacións ou equipamentos, son algunhas das moitas accións que se poden realizar a favor do planeta, repercutindo directamente na nosa saúde e benestar.