XVI Congreso Nacional da AEET: “A Ecoloxía nunha biosfera humanizada”

Este congreso ten como obxectivo o intercambio dos coñecementos máis actuais sobre Ecoloxía que nos leven á interpretación e coidado do planeta nun marco tan inestable e incerto como o que representa o Antropoceno. Pero ademais, queremos fomentar os enfoques transdisciplinarios que abordan cuestións que importan á sociedade, para os que a Ecoloxía é un compoñente esencial. Por iso, damos a benvida a outras disciplinas e ao público en xeral, para que se unan a este evento e coñezan o valor que a natureza ten para a supervivencia e benestar da humanidade.