Xornada de presentación do proxecto “Misión Azul: a investigación mariña e o cambio climático"

O obxectivo principal deste proxecto é o de apoiar á ensinanza e á educación ambiental mediante a achega de recursos educativos atractivos e innovadores tanto para o ámbito escolar como para o de lecer e o familiar. Os resultados principais do proxecto son o videoxogo interactivo “Pleamar” e dúas unidades didácticas. Ambos os dous recursos adaptan o coñecemento científico actual sobre o océano e o cambio climático a un público non especializado, desenvolvendo os sete principios de alfabetización oceánica ou ocean literacy e a contribución da ciencia ao coñecemento do mar e o cambio climático.