XII Semana de Custodia do Territorio nas Mariñas - 15 anos conservando o noso patrimonio natural

Nesta nova edición tratamos de seguir inculcando nos cidadáns a necesidade de se implicar directamente na conservación do noso patrimonio natural a través da custodia do territorio, participando como voluntarios e doadores en actuacións de mellora dos espazos naturais da nosa bisbarra.
Con este obxectivo programamos tres xornadas de voluntariado para mellorar hábitats de ribeira, uns ambientes caracterizados por daren acubillo a numerosas especies ameazadas. No capítulo de difusión da biodiversidade local, daremos a coñecer unha especie en perigo crítico, presente en ríos da nosa bisbarra: o desmán ibérico.