XI Seminario de Espazos Naturais Protexidos e Deportes de Montaña

Nesta edición o lema é “A afección do cambio climático nos deportes de montaña”. O cambio climático e os seus efectos secundarios, como a desaparición progresiva dos glaciares, a diminución da dispoñibilidade de auga, os fenómenos meteorolóxicos extremos, variacións na biodiversidade así como períodos de secas máis frecuentes, afectarán en gran medida á actividade do montañismo. Doutra banda, os efectos colaterais na súa práctica deportiva tradúcense, entre outros, na modificación de itinerarios, os accidentes derivados de desprendementos e aludes, a suspensión de probas polo elevado risco de incendios ou o posible peche de refuxios por falta de auga.