Cubrir formulario
O obxectivo do webinar é abordar de forma integral a xestión dos efluentes hospitalarios desde unha perspectiva científica, sanitaria e tecnolóxica. Analizaranse os riscos e impactos dos contaminantes farmacolóxicos en ecosistemas acuáticos, así como solucións innovadoras e tecnoloxías de tratamento orientadas a unha xestión máis segura e sostible.
O proxecto BlueWWater ten como finalidade mellorar a calidade das augas fluviais, de transición e costeiras na rexión Galicia–Norte de Portugal, mediante o control e avaliación de contaminantes emerxentes e microplásticos. Pola súa banda, a Rede NOR-WATER promove a cooperación entre entidades públicas, centros de investigación, universidades e empresas para avanzar na xestión e redución destes contaminantes.
