VII Encontro Estatal de Equipamentos de Educación Ambiental

O obxectivo principal destes encontros periódicos é manter o foro de intercambio de experiencias entre os profesionais vinculados con equipamentos público ou privados, que traballamos por e para a educación ambiental e presentar os avances do grupo de traballo permanente e da Rede Estatal de Equipamentos de Educación Ambiental (REDEEA). Nesta edición van expor mesas de traballo sobre plans de formación para equipamentos, a saúde e o benestar humano e como afrontar os novos retos eco-sociais desde estes centros. Tamén se debaterá sobre as novas categorías dos equipamentos. Entre as actividades do encontro poderemos gozar de visitas guiadas a equipamentos de Vitoria e o seu cinto verde.