Transición verde para o cambio climático: perspectivas desde o Dereito ambiental

O cambio climático afecta os ecosistemas, ao medio ambiente, e ao planeta no que vivimos, repercutindo directamente na nosa vida diaria, o que ten consecuencias no plano social, político e económico. En consecución cos Obxectivos de Desenvolvemento Sustentable, e en concreto co ODS 13 “Acción polo clima”, o curso ten por obxectivo achegar unha visión actualizada e multidisciplinar da diversa normativa xurídica sobre o cambio climático, desde a Lei 7/2021, do 20 de maio, de cambio climático e transición enerxética, ata as súas adaptacións autonómicas; pasando por outra normativa nacional e internacional.