Saúde, biodiversidade e áreas protexidas

O 22 de maio celébrase o Día Internacional da Diversidade Biolóxica e o 24 o Día Europeo dos Parques.
As áreas protexidas sempre cumpriron unha función esencial de protección da saúde da humanidade a través da conservación da natureza. A situación que estamos a vivir en todo o mundo coa aparición da pandemia do COVID-19 fíxonos a todos máis conscientes da importancia desta función esencial.
Neste seminario daranse claves desde o ámbito científico que nos axuden a transmitir mellor esa función, así como exemplos concretos xa en marcha que ilustran que non só é posible, senón moi desexable, que as áreas protexidas traballen en alianza co sector da saúde para mellorar as súas funcións sociais.