RESOLUCIÓN do 22 de abril de 2021 pola que se convoca o webinario A Lei 1/2021, do 8 de xaneiro, de ordenación do territorio de Galicia: novidades e aspectos máis significativos da nova regulación de ordenación do territorio.

Expoñer as novidades máis significativas desta lei recentemente promulgada, en especial con relación a aqueles aspectos con incidencia no eido urbanístico, ambiental e local, así como destacar as súas interaccións coa normativa vixente en materia de urbanismo, do procedemento administrativo e do sector enerxético.

Esta actividade está dirixida ao persoal empregado público, en situación de servizo activo ou asimilada, da Administración autonómica galega e dos seus entes instrumentais e da Administración local da Comunidade Autónoma de Galicia.