Proxección da curtametraxe "Raíces. Da utopía en diante"

Película ambientada nun futuro utópico e protagonizada por un grupo de mulleres da parroquia de Biduído, no Concello de Ames.
Un curto que ten como obxectivo mostrar un futuro posible e desexable; un futuro esperanzador que, partindo da realidade cotiá dun grupo de mulleres, convide a imaxinar outra forma de facer e de relacionarse, entre nós e coa natureza. Medio ambiente, xénero, ruralidad e comunidade son os alicerces dunha historia que aspira a facernos ver o mañá doutra maneira.