Promotores de diálogos EAS

Ábrese unha xanela de oportunidade para lanzar un proceso de diálogo e reflexión que denominamos “Diálogos EAS” con entidades e colectivos que traballan no seu día a día a Educación Ambiental para a Sustentabilidade (EAS). Estes Diálogos consisten na creación de foros de discusión de diversa índole onde un/a “promotor/a” con capacidade para convocar a un colectivo que traballe a EAS poida organizar unha reunión na que discutir acerca da situación actual da EAS, os seus retos, necesidades e propostas de futuro.